ភ្នំពេញ៖ អង្គុយលើរទេះរុញនៅក្នុងទីធ្លាវត្តច្បារអំពៅ នៅថ្ងៃដាក់បិណ្ឌថ្ងៃ ទី២ នាយ គ្រៀវ អតីតតារាកំប្លែង ដែលក្លាយជាមនុស្សពិការបាត់បង់ ឳកាសរកចំណូលចិញ្ចឹមជីវិតនិងគ្រួសារ។ ជាមួយនឹង​រូបភាព​ដ៏​ខ្លោច​ផ្សា​នោះ នាយ គ្រៀវ ក៏បានពោលថា ពេលនេះមិន​មានអ្វីនៅ​ក្នុង​ខ្លួន​ឬ​ជា​ទ្រព្យ​របស់នោះទេ អស់រលីងពីខ្លួនហើយ។

ក្នុងវីដេអូបង្ហាញពីតារាសម្តែង លោក អ៊ឹម ជីវ៉ា ដែលជូបនាយ គ្រៀវដោយ ចេដន្យក្នុងដំណើរទៅយកចង្ហាន់ទៅវត្តក្នុងថ្ងៃដាក់បិណ្ឌទី២ នៅវត្តមាន ច្បារ​​អំពៅនោះ នាយ គ្រៀវ ក៏បានពោលរៀបរាប់ទៀតថា «ពេល​នេះមិ​ន​មានអ្វីជាក្តីសង្ឃឹមទៀតទេ សូម្បីដំណើរមកដល់វត្តនេះ ក៏ពឹងអាស្រ័យ​កូន​ក្មួយជួយរុញដែរ ទើបបានមកដល់ទី នឹងបានធ្វើបុណ្យបន្តិចបន្តូចនឹងគេ»។ ក្រោយពីបាត់មុខពីសិល្បៈមួយរយៈស្រាប់តែពេលនេះក៏លឺដំណឹងថាតារាកំប្លែងរូបនេះ បែរជាធ្លាក់​ខ្លួនឈឺដោយសារជំងឺលើសឈាម​ដោយ​អង្គុយ​នៅលើរទះជាច្រើនឆ្នាំមកហើយ។ កន្លងមកក៏មាន សមាគមសិល្បករខ្មែរ និងសប្បុរសជនជាច្រើន កាកបាតក្រហម ក៏បានជួយដល់ នាយ គ្រៀវ ដែរ។ ប៉ុន្តែដោយសារតែបង់ថ្លៃថ្នាំជាប្រចាំ ទើបយក​ថវិការ​ទាំង​នោះ​មក​ប្រើ​ប្រាស់ ដើម្បី លេបជាប្រចាំ ពេលនេះនាយ គ្រៀវ គ្មានថវិការបន្ត​ទៀត​នោះ​ទេ។

នាយ គ្រៀវ រៀបរាប់បន្តថា «ជំងឺក្នុងខ្លួនធ្វើទុក្ខខ្លាំង ដើរមិនកើត បាន​តែ​អង្គុយ​នៅលើរទេះរុញ ហើយណាមួយក៏គ្មានប្រាក់ព្យាបាលដែរ ។ មុននេះ​មាន​ប្លង់នៅដីទៅដាក់បញ្ចាំ គ្រាន់បានប្រាក់ព្យាបាលជំងឺ តែពេលនេះប្លង់​នោះ ដោយគ្មានប្រាក់បង់ ក៏ត្រូវធនាគា រឹបអូសអស់ដែរ»។ គួរឲ្យអាសូរ​ណាស់ជីវិត តារាកំប្លែង នាយ គ្រៀង ដែលធ្លាប់តែលេងកំប្លែង​ធ្វើ​ឲ្យ​គេ​សើច សប្បាយ ចំណែកឯប្លង់ផ្ទះរបស់នាយ គ្រៀវ ដែលបានដាក់បញ្ចាំ​នៅ​ធនាគារក៏ដាច់ហើយដែរ។ ដូច្នេះហើយសូមសប្បុរសជន​មេត្តា​ជួយ​ដល់​គាត់ ផង ព្រោះពេលនេះ នាយគ្រៀវ កំពុងជួបទុក្ខលំបាកជាខ្លាំង។