ភ្នំពេញ​៖ ថ្មីៗនេះ តារាចម្រៀងមេម៉ាយចាយរាង ពេជ្រ សោភា ហាក់មិនសូវឃើញវត្តមានច្រៀងតាមពិធីមង្គលការ ដែលខុសប្លែកកាលពីមុន នាងតែងបង្ហញខ្លួនជាញឹកញាប់ ក្នុងពិធីមង្គលការធំៗ របស់កូនលោកឯកឧត្តម និងលោកឧកញ៉ាជាដើម។ ទាក់ទិនរឿងនេះ តារាចម្រៀងគូស្នេហ៍ ឆឹម សក្កដា, ពេជ្រ សោភា បានប្រាប់ថា ​«​អោយតែពិធី​​មង្គលការ អត់​​ទទួលតែ​ម្ដង ព្រោះ​​​បានលុយ​តិចៗ ហើយទៅច្រៀង​​​​ដូចម៉េចទេ ​គឺ​​​មើលទៅ​​​​​​អត់ត្រូវចិត្ត​​​​ហ្មង»។

តែទោះបីតារាសម្រៀងរូបនេះ បដិសេធមិនទទួលច្រៀងក្នុងពិធីមង្គលការក្តី ប៉ុន្តែនាងងាយ​មកចាប់អារម្មណ៍ ច្រៀងក្នុងពិធីបុណ្យទៅវិញ ដូចជា បុណ្យបច្ច័យបួន បុណ្យផ្កា ដោយនាងនិយាយថា «​ច្រៀងក្នុង​មង្គលការ​ច្របូល​ច្របល់គ្នាណាស់ ​​​​​​​​មួយ​បទ​អ្នកនេះ​ផង​អ្នកនោះ​ផង ​ហើយ​​​​​ជួនកាលពេលយើង​ច្រៀង ​​អ្នកហូប​គិតតែហូប មិនមើល​​យើង​ផង ទើបខ្ញុំអត់​ទទួលច្រៀងតែម្ដង ​តែបើកម្មវិធី​បុណ្យ ទោះជា​អោយ​​​​​តិចជាង​​​​​ក្នុង​ពិធីមង្គលការ​ក៏ទៅ​ដែរ ​​ព្រោះ​មើលទៅ​​​សប្បាយ​ជាង​»។