ភ្នំពេញ៖ សារ៉ាយសក្ខិណា ក៏មិនខុសពីគូរស្នេហ៍តារា​ល្បីៗដ៏ទៃទៀត​ឡើយដែល​តែងតែ​បង្ហាញភាព​ស្អិតល្មូត​ជា​មួយ​គ្នានៅថ្ងៃបុណ្យទិវានៃក្ដីស្រលាញ់(Vanlentine’sday)នោះដើម្បីបញ្ជាក់ពីចំណងស្នេហ៍ពួកគេរឹងមាំនោះ ដោយកាលពីថ្ងៃទី១៤កុម្ភៈតារាកូន១រូបនេះបានអោបថើបប្ដីលោក កែវ ប៊ុនមេត្រី យ៉ាងផ្អែមល្ហែម​ដែលធ្វើឲ្យ​តារាជាច្រើនបានច្រណែននិងប្ដីប្រពន្ធនេះទៀតផង។

ការបញ្ចេញសុភមង្គលឲ្យមហាជនឃើញបែបនេះបន្ទាប់ពីហាងរកែរសម្រស់របស់នាងXENOដំណើរការដោយរលូនទើបនាងឈានទៅបើកហាងការហ្វេXENOបន្ថែមទៀតដែលពេលនេះអាចបញ្ជាក់រឹតតែច្បាស់ថាតារារូបនេះប្រាកដជាមានគម្រោងមករស់នៅស្រុកខ្មែរវិញនាពេលខាងមុខនេះជាមិនខានឡើយបន្ទាបពីចញទៅរស់នៅអាមេរិកតាមប្ដីជាង៣ឆ្នាំនេះ។

ប៉ុន្ដែរ សារ៉ាយ សក្ខិណា ដែលគ្រោងយកកូនប្រុសម្នាក់ទៀតថែម​ដើម្បីរឹតចំណង​ស្នេហ៍ឲ្យកាន់​តែរឹង​មាំថែម​ទៀត​នោះនាងបានប្រាប់អ្នកការសែតថា បានលុបចោល​មួយអន្លើរ​សិនហើយ​ព្រោះថាពេល​នេះចង់​បន្ដ​ការ​ថតសម្ដែងសារជាថ្មីឡើងវិញសិននិងចង់ឲ្យកូនស្រីនាងធំជាងនេះសិនទើបរៀបគម្រោងយកកូនថែម១ទៀតហើយការមានកូន២នាក់ក៏មិនទាន់គ្រប់គ្រាន់ដែរព្រោះនាងនិងស្វាមីចង់បានកូន៣ក្នុងគ្រូសារ។ សារ៉ាយ សក្ខិណា បានចូលរោងការជាមួយលោកមេធាវី ប៊ុន កែវមេត្រី កាលពីឆ្នាំ២០១៣ហើយភ្លាមៗ​នោះនាងបាន​ចេញ​ទៅរសើនៅតាមប្ដីដោយផ្អាកអាជីពសិល្បៈ។តែនៅចុងឆ្នាំ២០១៧និងដើមឆ្នាំ២០១៨នេះ សក្ខិណា បាន​ចុះមកថតភាពយន្ដសារជាថ្មីឡើយវិញខណៈដែលស្វាមីនាងបោះទុនជាច្រើនម៉ឺនដុល្លារកស៊ីជាមួយមិត្តភក្ដិបើកគ្លីនិកកែរសម្រស់និងហាងការហ្វេXENO៕