ភ្នំពេញ៖ ក្រោយពីផ្ទុះរឿងចែកផ្លូវគ្នា ជាមួយស្វាមីស្របច្បាប់ ដែលល្បីទៅមានស្រីផ្សេងមក នាង ឈិន សុធាវី បានប្រកាសខ្លួនរស់នៅក្នុងជីវិតជាស្រ្តីមេម៉ាយ ដើរតួ ជាឪពុកម្តាយផងចិញ្ចឹមកូនភ្លោះម្នាក់ឯង។ ដោយសង្ឃឹមថា នឹងទទួលបានអ្នកបានការគាំទ្រច្រើន នាងក៏បានបើកអាហារដ្ឋាន តូចមួយឈ្មោះថា «ផ្ទះកូនភ្លោះ» ដើម្បីរកចំណូលបន្ថែមសម្រាប់គ្រួសារ។
កន្លងមកយ៉ាងញឹកញយ នាង ឈិន សុធារី ដែលប្រកាសខ្លួនថា រូបនាងបានក្លាយជាស្រ្តីមេម៉ាយ នាង តែងបង្ហោះសារប្លែកៗ ទាំងបើកកកាយពីអាស្រូវស្នេហាក្រៅផ្ទះពីបុរសជាឪពុកកូនភ្លោះទាំងពីរបស់នាង ធ្វើឲ្យអ្នកគាំទ្រ ចាប់អារម្មណ៍ខ្លាំង។ បន្ថែមនោះ ថ្មីៗនេះទៀត តារាចម្រៀងនិងជាអតីតពិធីការិនីផង នាង ឈិន សុធារី ដែលសព្វថ្ងៃជាម្ចាស់ហាង ផ្ទះកូនភ្លោះក៏បានបង្ហោះសារ ដែលមជ្ឈដ្ឋានមហាជន ថា សារនេះ នាង ឈិន សុធារី បង្ហោះឡើងក្នុងន័យលើកទឹកចិត្តខ្លួនឯង ដែលរងនូវវប្បដិស្សារីយ៍ ជីវិតក្រោយរៀបអាពាហ៍ពិពាហ៍យ៉ាងឧឡារិក នៅសណ្ឋាគាលំដាប់ផ្កាយនោះផង។
សារនោះ នាង ឈិន សុធារី សរសេរថា« មើលមុខ ឈិន សុធារី ឲ្យច្បាស់មនុស្សខ្ញុំពីដើមកំណើតស្លូតបូតណាស់ ល្បីរន្ទឺពេញនគរ សុភាព ទន់ភ្លន់រួសរាយរាក់ទាក់មិនឆ្មើងឆ្មៃ គោរពមនុស្ស និងឲ្យតម្លៃមនុស្សជុំវិញខ្លួន .តែមនុស្សខ្ញុំពេលនេះ កាចក៏បានស្លូតក៏បានគឺអាស្រ័យ ទៅលើមនុស្ស នៅពីមុខខ្ញុំ គេស្លូត ខ្ញុំនិងសុភាព.គេអាក្រក់ ខ្ញុំនឹង សាហាវ.. បើគេពាក់មុខពីរជាមួយ និងខ្ញុំ ខ្ញុំនឹងពាក់មុខបី.»។ តារាស្រីកំពុងមមាញឹកនឹងការចិញ្ចឹមបីបាច់កូនភ្លោះ ដោយមិនមានវត្តមានឪពុកនូវជួយរំលែកភារៈដ៏ចាំបាច់នេះ ក៏បានបង្ហាញទៀតថា« សូមជំរាប លែងចង់ស្លូតដូចមុនទៀតហើយ.! អរគុណមនុស្សទាំងឡាយដែល ធ្វើឲ្យមនុស្សអាចផ្លាស់ប្តូរបាន ដោយសារតែមនុស្ស ល្អរឺអាក្រក់អាស្រ័យលើមនុស្ស! ហើយក៏ ស្គាល់បទពិសោធន៍ជាច្រើននិយាយលេងមុនគេង»៕
