កំពង់ស្ពឺ៖ នារី​វ័យក្មេង​ម្នាក់​ជ្រុលប្រាណមានផ្ទៃពោះជាមួយសង្សារ ហើយសុំលុយសង្សារយកកូនចេញ ប៉ុន្តែសង្សារព្យាយាមដោះដៃ រហូតធ្វើឲ្យនាងឈឺចិត្តស្អិតថ្លើម ក៏​សម្រេចចិត្ត​ចងក សម្លាប់ខ្លួន​នៅ​ចំណុច​ខាងក្រោយ​ផ្ទះ​ចម្ងាយ​ប្រហែល៣០០ម៉ែត្រ​ស្ថិត​ក្នុងភូមិ​ថ្មី ​ឃុំ​តា​សាល​ស្រុក​ឱ​រ៉ា​ល់ ​ខេត្តកំពង់ស្ពឺ​។

តាម​សម្តី​ឪពុកម្តាយ​បាន​ឲ្យ​ដឹងថា​ «មុនពេល​កើតហេតុ​ខ្ញុំ​បាន​ស្តាប់ឮ​កូន​និយាយ​ទូរ​សព្ទ័​ជាមួយ​សង្សារ​ដោយ​សុំ​លុយ​ពី​សង្សារ១០ម៉ឺនរៀល ​ដើម្បី​យក​កូន​ចេញ»។ ប្រភពដដែលបន្តថា «លុះសុំលុយគេមិនបាន ក៏កូនស្រីដើរចេញពីផ្ទះបាត់ ដោយគ្មានដំណឹងថាទៅណាឡើយ»។

ក្រោយបាត់កូនជាច្រើនថ្ងៃគ្មានដំណឹង ២នាក់ប្តីចេះស្វែងរកក៏ប្រទះឃើញចងក.ស្លាប់ក្នុងព្រៃក្រោយផ្ទះ ឡើងហើម រលួយទៅហើយ៕