ភ្នំពេញ៖តារាសម្ដែង កែវ ស្រីនាង ដែលយូរៗបានលេចមុខក្នុងភាព​យន្ដនិងMVថ្មីម្ដងៗ​នោះស្រាប់តែ​បានដឹក​ដៃលោកអែន ឌី ឡើងទៅឃោសនាបទចម្រៀងថ្មីនៅប៉ុស្ដិ៍PNNក្នុងកម្មវិធី”ស៊ីអារ្មណ៍”​កាលពីរសៀលថ្ងៃ២០ខែ​កុម្ភៈ​ដើម្បីឃោសនាបទចម្រៀងថ្មីរបស់អែនឌី“វិលវិញអូន”និងបទ”មនុស្សសំខាន់សម្រាប់ថ្ងៃថ្មី”។

គេកត់សម្គាល់ថាកែវស្រីនាងនៅតែមានសម្រស់ផូផង់ដដែលថ្វីត្បិតតែសុខភាពអ្នកនាងមិនសូវអំណោយផលដោយមានជំងឺខ្លះៗប្រចាំកាយក៏ដោយ។ លោក អែន ឌី ដែលជាអ្នកជិតដិតបំផុតជាមួយ កែវ ស្រីនាង នោះ​បានសរសើរតារាសម្ដែង កែវ ស្រីនាងថាអ្នកនាងមានទេពកោសល្យល្អពិបាក​រកតារាណាអាចប្រៀបបាន​ព្រោះ​ចង់​សាច់រឿងម៉េចក៏ ស្រីនាង លេងបានដែរក្នុងនោះមានទាំងការលេងស៊ិចស៊ីទៀតផង។

បើទោះជាស្រីនាងដែលមានស្វាមីជាជនជាតិអង់គ្លេសជាអ្នកមានទ្រព្យក៏ដោយតែតារាកូន១រូបនេះនៅតែបន្ដរអាជីពសិល្បៈដដែលគ្រាន់តែមិនប្រឡូកឲ្យពេញទំហ៊ឹងនោះទេ។តាមព័ត៌មានថា កែវ ស្រីនាង នឹងត្រៀមថត​រឿងភាគថ្មីមួយទៀតឲ្យទូរទស្សន៍CTNនៅដើមឆ្នាំ២០១៨នេះព្រោះក្រុមផលិតករនៅតែត្រូវការនិងពេញចិត្តសម្ថភាពស្រីនាងដូចមុនអីចឹង៕