ព្រះសីហនុ៖ កាលពីថ្ងៃទី២៦ ខែកុម្ភៈ ឆ្នាំ ២០១៨ មាន​ទូក​ដឹក​ភ្ញៀវ​ទេសចរ​ណ៏​ មួយ​គ្រឿង​បាន​លិច​ នៅ​កំពង់​ផែ​ភូមិសុខសាន្ត សង្កាត់កោះរ៉ុង បណ្តាលឲ្យស្លាប់ស្ត្រីម្នាក់​ ឈ្មោះ ហែម ឡំ អាយុ​៣៨ឆ្នាំ នៅក្នុងភូមិ​សុខសាន្ត​ សង្កាត់កោះ​រ៉ុង ក្រុងព្រះសីហនុ។

តាមសម្តីសមត្ថកិច្ចបានឲ្យដឹងថា «ទូក​ដឹក​ភ្ញៀវ​ទេសចរ​ណ៏នោះ​ បាន​ធ្វេី​ដំណើរ​ពី​ខេត្ត​ព្រះសីហនុ​ ចូល​ចត​នៅ​កំពង់ផែ​យាយ​សក់​ក្រហម​  ពេលនោះ​ មាន​ខ្យល់​ខ្លាំង​ រលក​ធំ​ៗ​ បោក​បក់​ បណ្ដាល​ឲ្យ​លិច​ទូក​នៅ​ក្បែរផែចំណតទូក​ និងធ្លាក់​ជន​រង​គ្រោះ​ចូលទៅ​ក្នុង​ទឹក​ ទម្រាំនឹងអ្នកជួយសង្គ្រោះ ចុះមុជទឹក​ រាវរកឃេីញជន​រង​គ្រោះ​បាន​លង់​ទឹក​ស្លាប់​បាត់​ទៅ​ហើយ​»។

សូមបងប្អូនដែលធ្វើដំណើរកម្សាន្តទៅតំបន់សមុទ្រ ទាំងការជិះទូក ទាំងការហែកទឹក មេត្តាប្រុងប្រយ័ត្នឲ្យបានខ្ពស់ ព្រោះរដូវនេះ មានខ្យល់បក់ខ្លាំង និងមានរលកធំៗ ដែលអាចបង្កគ្រោះថ្នាក់ដល់បងប្អូនគ្រប់ពេលវេលាបាន៕