ភ្នំពេញ៖ តារាចម្រៀងងារជាមេម៉ាយចាយរាង ពេជ្រ សោភា បានធ្វើឲ្យកក្រើអស់ស្រទាប់មិត្តយុវវ័យនាប៉ុន្មានឆ្នាំចុងក្រោយ ដោយសារនាងបាន​លេងក្បាច់​បែកស្លុតអបអរសាទរ​ពិធីបុណ្យចូលឆ្នាំខ្មែរ ក្នុងនោះទាក់បទឆ្កែ​មាន៣បទ រួមមាន ឆ្កែរត់បុតប៉ោត, ស្រលាញ់បងម៉ែឲ្យជិះឆ្កែ និង បីឆ្កែចូលរាំ។

ទន្ទឹមនឹងភាពល្បីរន្ទឺពេញផ្ទៃប្រទេស ពេជ្រ សោភា រវល់ស្ទើរតែគ្មាន​ពេលជួប​គូ​ស្នេហ៍ដែលមហាជនស្គាល់ថា ជាតារាសម្តែងប្រុសស្អាត ឆឹម សក្កដា ព្រោះតែរដូវកាលនេះ នាងមមាញឹកទាំង​ថតបទថ្មីៗ ថត MV និងការ​ឡើង​ច្រៀង​តាមការប្រគំតន្រ្តីនៅបណ្តា​ខេត្តនានា។ គួរបញ្ជាក់ថា តារាជើងចាស់ ពេជ្រ សោភា នៅតែរក្សាប្រជាប្រិយភាពបានយ៉ាងត្រដែតជាង ១០ឆ្នាំមកហើយ ពោលគឺល្បីតាំងពីជំនាន់ច្រៀងរួមជាមួយលោក ព្រាប សុវត្ថិ ឯណោះ។