បាត់ដំបង: ដោយរួមចំណែកចែករំលែងទុកលំបាកដល់នាយ តឿអតីតអ្នក​សម្តែង​ល្ខោន​របស់​ក្រុម​តារា​កំប្លែង​នាយ ព្រួញ មាស ល្បី​កាល​ពីជាង ១០ ឆ្នាំមុន ដែល​មាន​ឈ្មោះ ក្នុង​បញ្ជី​ជាតិ ស្មាន់ តឿ នៅ​មាន​តែ​សំឡេង ដង្ហោយ​ថា មិន​ត្រឹម​គ្មាន​សាច់ញាតិ ១ គ្រាប់​ទេ ក្រីក្រ​ហើយ ពេល​នេះ​ឈឺ​ក៏គ្មាន​ប្រាក់​មើល​ជំងឺ​ដែរ។

នៅថ្ងៃទី ០៨ ខែសីហានេះអ្នកតំណាងមូលនិធីចាស់ជរា ពីសមាគមមិត្តសិល្បៈស្មគ្រចិត្ត​ដើម្បីជួយសង្គម បាននាំយកថវិការចំនួន១លានរៀល និងគ្រឿងឧបភោគបរិភោគទៅជូនដល់នាយ តឿដែលកំពុងដេក​ស្តូកស្តឹង​ផ្ទាល់​ថ្ម ក្នុង​ខ្ទម​ជរា​កម្សត់ ស្ថិត​នៅ​ក្នុង​ភូមិ​វត្ត​រំដូល សង្កាត់​ចំការ​សំរោង ក្រុង​បាត់ដំបង ដែល​មាន ជញ្ជាំង និង​ដំបូល​រហែក​ធ្លុះធ្លាយ បុរស​តឿ បាន​ពោល​ថា៖ «ខ្ញុំ​មិនមាន​បងប្អូន ឬសាច់​ញាតិ​ម្នាក់​ជាទី​ពឹងទេ»។

ជាចុងក្រោ សូម​អំពាវនាវ​ដល់ ប្អូន​សប្បុរសជន​ណាចង់ជយយឬចែករំលែកទុកលំបាកដល់នាយ តឿ​សូម​ជូនពរ​ឲ្យសុខ​សប្បាយ រកស៊ី​ចេះតែ​មាន​បាន និងជួបតែសំណាង​ល្អ។