ភ្នំពេញ៖ លោក ព្រាប សុវត្តិ ដែលជាកំពូលតារាចម្រៀងប្រចាំផលិតកម្មហង្សមាស ដែលនៅមិនមានគួរប្រជែងណាម្នាក់ដណ្តើប្រជាប្រិយភាពបាននោះ ។ នៅឱកាសបញ្ចប់ពិធីបុណ្យភ្ជុំបិណ្ឌ ឬហៅថា ថ្ងៃភ្ជុំបិណ្ឌធំ តារាចម្រៀងរូបនេះបាននាំប្រពន្ធរួមនឹងកូនៗទៅវត្តភ្នំប្រសិទ្ធ ផ្អើលទាំងយាយជី តាជី សម្រុកសុំថតរូបអនុស្សាវរីយ៍។ បង្ហាញពីវីដេអូឃ្លីបដែលមានរយៈពេលជាង៣០វិនាទី កំពូលតារាចម្រៀងព្រាប សុវត្ថិ និងភរិយារួមនឹងកូនប្រុសរូបសង្ហាទាំងបីនាក់ ក៏សុទ្ធសិង្ហតែស្ថិតក្នុងសម្លៀកបំពាក់សាមញ្ញ អាវសខោខ្មៅ សមនឹងឥរិយាបថក្នុងថ្ងៃប្រតិបត្រ តាមគន្លងពុទ្ធឳវាទ ។

ក្រុមគ្រួសារកំពូលតារាចម្រៀងនេះ ក៏ត្រូវបានចោមរោមដោយអ្នកគាំទ្រយ៉ាងច្រើនកុះករ ដែលមានទាំងក្មេងៗរួមទាំងមនុស្សចាស់ យាយជី និងតាជីផង ដែរ ដែលពួកគាត់ម្នាក់ៗម្នីម្នា ក្នុងកាយវិការក៏គួរសមជាមួយនឹងកំពូលតារាចម្រៀង និងសុំថតរូបជាមួយ។ ក្នុងវីដេអីឃ្លី ដដែលនោះ ក៏មានសំឡេង លាន់ឮថា ងាយណាទៅបានជួបកំពូលតារាចម្រៀង ថ្ងៃនេះលោកបានយកចង្ហាន់នាំប្រពន្ធកូនមកវត្តប្រសិទ្ធ ជាសំណាងយើងហើយ បានកំពូលតារាចម្រៀងមកដល់ទីនេះដោយចិត្តបុណ្យ សុំថតរូបម្នាក់មួយជាមួយគាត់ទុកជាអនុស្សាវរីយ។ ខណៈក្រុមក្មេងៗ ក៏មានបន្លឺថា «យ៉ាងហោចណាស់មកវត្តថ្ងៃបញ្ចប់នៅភ្នំប្រសិទ្ធ ក៏បានថតរូបជាមួយកំពូលតារាចម្រៀង បង្ហោះបង្អួតគេឯងចឹងដែរ»។ ក្នុងនោះក៏មានបណ្តាអ្នកគាំទ្របាននិយាយតៗគ្នាថា តារាចម្រៀងរូបបនេះពិតជាសាមញ្ញ គួរ ជាទីចូលចិត្ត និងស្រឡាញ់ខ្លាំងណាស់ ហើយជាតារាចម្រៀងមួយរូបដែលមានអ្នកគាំទ្រច្រើន និងមានប្រជាប្រិយភាពយ៉ាងខ្លាំងក៏មិនចេះរើសអើងដែរ៕