ភ្នំពេញ៖ ថ្ងៃទី១៦ ខែ មេសា ឆ្នាំ ២០១៨ ហើយក៏ជាថ្ងៃឡើងស័ក្កនៃថ្ងៃបុណ្យចូលឆ្នាំប្រពៃណីខ្មែរ ដែលប្រជាជនខ្មែរនាំគ្នាសាទរសប្បាយនោះ តែខ្លោចផ្សា លោក ទិត្យ វិច្ឆិកា បែរជួបទុក្ខធំចំថ្ងៃដ៏សប្បាយនេះ ខណៈម្តាយដែលលោកតែងពោលពាក្យបង្ហាញមហាជន ថា គាត់ជាអាយុជីវិត ហើយក៏ជាអ្នកមានគុណម្នាក់ដែលរមែងចាំលើកទឹកចិត្តលោកអោយចេះងើបឈរវិញ ក្រោយពេលដួលសន្លប់មួយរយៈមុននេះ។
មរណៈភាពម្តាយលោក ទិត្យ វិច្ឆិកា ធ្វើឲ្យលោកពិបាកចិត្តខ្លោចផ្សារយ៉ាងខ្លាំង ខណៈមិនសូវមានអ្នកជួនដំណើរម្តា​យ​ដោយសារចូលឆ្នាំ សូម្បីសាច់សារហលោហិតខ្លះរបស់លោកក៏មិនបានចូលរួមផង។
ជាមួយគ្នានោះក៏បញ្ចេញសារសោកស្ដាយទាំងក្ដុកក្ដួលថា«ចាប់តាំងពី១វិនាទី ពេលដែលខ្ញុំកើតមកអ្នកម្តាយតែង​តែ​ថ្នា​ក់ថ្នមថែរក្សារហូតដល់ខ្ញុំដឹងក្តី អ្នកម្តាយតែងតែតម្រង់ផ្លូវអោយខ្ញុំក្លាយជាមនុស្សល្អ ម៉ែតែងតែផ្តល់កំលាំ​ង​ចឹ​ត្តរាល់ពេលដែលខ្ញុំលោតឆត្រចេញពីយន្តហោះ ម៉ែតែងតែញញឹមរាល់ថ្ងៃពេលដែលខ្ញុំក្លាយជាអ្នកចម្រៀង»។
ខណៈលោកបន្តទាំងបន្ដោសខ្លួនឯងទៀតថា«ម៉ែតែងតែអោយពរជ័យខ្ញុំគ្រប់ប្រការពេលដែលខ្ញុំចេញទៅធ្វើការ​សង្គ​មនៅតាមតំបន់ដាច់ស្រយាល ។ តែសំរាប់ខ្ញុំវិញជាកូនអក្តញូបំផុតដែលមិនបានបំពេញភារកិច្ចជាកូនល្អជូ​ន​ម៉ែ ​ហើយមិនបានធ្វើអោយម៉ែមានសុភមង្គលដូចម្តាយគេដ៍ទៃបាន ពេលនេះអ្នកម្តាយលាហើយ ហើយលារហូត បើ​មា​នជាតិក្រោយមែន ខ្ញុំសុំធ្វើជាកូនរបស់ម៉ែបន្តទៀត ហើយសូមជួបម៉ែគ្រប់ៗជាតិណាម៉ែ »។
ទន្ទឹមនិងនោះលោកក៏លើកឡើងទៀតថា«តែពេលនេះមានទុក្ខធំ កុំថាឡើយមិត្រភ័ក្រ សូម្បីតែពួកក្មួយៗបង្កើត​មួ​យចំនួន ក៏គេមិនមកជូនដំណើរលោកយាយរបស់ពួកគេដែរ ។ ខ្ញុំជាកូនអក្តញូបំផុតដែលមិនបានបំពេញភារកិ​ច្ច​ជា​កូនល្អជូនម៉ែ អ្នកម្តាយដូចជាកំសត់ពេកហើយ »។
ជាចុងក្រោយលោកក៏ថ្លែងអំណរគុណដល់ចំពោះញាតិមិត្តជិតខាងដែលបានចូលរួមរំលែកទុក្ខផងដែរ ដោយលើកឡើងថា«បាទសូមជូនកុសល្យផលបុណ្យ ចំពោះបងប្អូនទាំងអស់គ្នា សូមជួបប្រទះតែសេចក្តីសុខ នឹងសុភមង្គលគ្រប់ប្រការកុំបីឃ្លាងឃ្លាតឡើយ ។ ពេលធ្វើការសង្គមខ្ញុំរីករាយខ្លាំងណាស់ ព្រោះមានបងប្អូនរាប់អានច្រើន »។