ភ្នំពេញ៖ កាលពីរាត្រីថ្ងៃទី២៦ខែមេសា មាន​គ្រោះថ្នាក់​ចរាចរណ៍​ដ៏រ​ន្ធត់មួយ នៅចំណុចផ្លូវវេងស្រេងសង្កាត់ចោមចៅ១ខណ្ឌពោធិ៍សែន​ជ័យ​។ខណៈអ្នករងគ្រោះក៏ត្រូវបានគេបង្ហាញជាតន្រ្តីករ​ជើងចាស់​ឈ្មោះ វេង សម្បត្តិ ។
មរណៈភាពតន្រ្តីករ បន្សល់នូវតែសំឡេង​ទួញ​ទ្រហោយំពីសំណាក់​កូន​​ស្រីផ្អើលបណ្តាញសង្គមនេះ ក៏រញ្ជួយដល់អ្នកនាង ខាត់ សុឃីម បង្ហាញសាររំលែកទុក្ខនិងរំលឹកអនុស្សាវរីយ៍ដែលនាងធ្លាប់រួមឱកាសសិល្បៈជាមួយ។

អ្នកនាងខាត់ សុឃីម និយាយទាំងក្ដុកក្ដួលថា«ពូអើយ!ខ្ញុំស្លុត​ខ្លាំង​ណាស់​ពូ ទើបជួបពូទេ សូមពូទៅឋានសុខណាពូ»។ខាត់ សុឃីម ក៏បានបង្ហាញរូបអនុស្សារីយ៍ជាមួយលោក វេង សម្បត្តិ អំឡុង​ពេល​ដែលអ្នកនាងច្រៀងនៅកោះពេជ្រ ហើយតន្រ្ដីកររូបនោះ​ជាអ្នកប្រគុំ​តន្ដ្រីនៅពីខាងក្រោយនោះដែរ ហេតុនេះហើយបានជា​អ្នក​នាង​អា​ឡោះ​​អាល័យនិងសោកស្ដាយក្រៃលែង ពេលដែលត្រូវ​បាត់បង់​មិត្ត​ចាស់ ព្រោះតែគ្រោះថ្នាក់ចរាចរណ៍បានឆក់យក​ជីវិត​គាត់​ទាំង​កណ្ដា​លរាត្រី៕