ភ្នំពេញ៖ ក្រោយកិច្ចសហប្រតិបត្តិការជាមួយសាជីវកម្មទូរគមនាគមន៍កូរ៉េ នៃសាធារណរដ្ឋកូរ៉េខាងត្បូង និងក្រសួងប្រៃសនីយ៍ និងទូរគមនាគមន៍  ភាគីកូរ៉េបានផ្តល់ជូន WiFi ៥កន្លែងក្នុងប្រទេសកម្ពុជា ខណៈដែល ២កន្លែងនៅរាជធានីភ្នំពេញ និង ៣កន្លែងទៀត នៅតាមបណ្តាខេត្ត។

សួន​ច្បារ​ទាំង​ ២កន្លែង​នៅ​ភ្នំពេញ​គឺ ​​សួនច្បារ​សម្ដេច ហ៊ុន សែន និង​សួនច្បារ​មុខ​ព្រះបរមរាជវាំង ដែល​មាន​ល្បឿន 1Gps (១​ហ្សីហ្គាប៊ីត​ក្នុង​មួយ​វិនាទី) ។ វា​នឹង​ត្រូវ​ដាក់​ឲ្យ​ប្រើប្រាស់​នៅ​ថ្ងៃ​ទី៩ ខែ​ឧសភា ឆ្នាំ​២០១៨។

ចំណែកឯ ៣កន្លែងទៀតនៅវិទ្យាល័យ ហ៊ុន សែន កំពង់លែង ស្រុកកំពង់លែង ខេត្តកំពង់ឆ្នាំង, វិទ្យាល័យ ហ៊ុន សែន ទួលខ្ពស់ ស្រុកទឹកផុស ខេត្តកំពង់ឆ្នាំង និងនៅវិទ្យាល័យអ៊ីវ៉ាស្រង់ ស្រុកគងពិសី ខេត្តកំពង់ស្ពឺ។