ភ្នំពេញ៖ សម្ដេច​ព្រះ​មហា​សុមេធាធិបតី ជួន ណាត (ជោតញ្ញាណោ) សម្ដេច​ព្រះ​សង្ឃ​រាជ​ថ្នាក់​ទី​១ នៃ​គណៈ​មហា​និកាយ ជា​សម្ដេច​ព្រះ​សង្ឃ​រាជ​អង្គ​ទី​៤ នៃ​គណៈ​មហានិកាយ នៃ​ព្រះ​រាជាណាចក្រ​កម្ពុជា។ ទ្រង់​កាន់​តំណែង​ពី​ ព.ស.​២៤៩២ ដល់ ព.ស.​២៥១៣ ក្នុង​រជ្ជ​សម័យ​ព្រះ​បាទ​សម្ដេច​ព្រះបាទ នរោត្ដម សីហនុ។

ព្រះអង្គប្រសូតថ្ងៃទី១១ ខែមីនា ឆ្នាំ​១៨៨៣ នៅ​ភូមិ​កំរៀង សង្កាត់​រកា​កោះ ស្រុក​គង​ពិសី ខេត្ត​កំពង់​ស្ពឺ។ សម្ដេច​មាន​ព្រះជាតិ​ក្នុង​ត្រកូល​កសិករ ព្រះ​មាតា​នៃ​សម្ដេច​នាម យក់ ព្រះ​បិតា​នាម ព្រហ្ម ជួន។ គ្រួសារ​នេះ​មាន​បុត្រ​តែ​ពីរ​នាក់​គឺ អង្គ​សម្ដេច​ព្រះសង្ឃរាជ និង​លោក​ឧកញ៉ា​សោភណ្ឌ​មន្ត្រី ជួន នុត ជា​ព្រះ​អនុជ​នៃ សម្ដេច​ព្រះសង្ឃ​រាជ។

ព្រះអង្គសុគត ថ្ងៃទី២៥ ខែកញ្ញា ឆ្នាំ​១៩៦៩។ ព្រះអង្គត្រូវបានកូនខ្មែរជំនាន់ក្រោយចាត់ទុកជាថា «បិតាអក្សរសាស្ត្រខ្មែរ» ព្រោះព្រះអង្គបានបង្កើតស្នាដៃជាច្រើនដូចជា  វចនានុក្រម​ខ្មែរ មាន​២​ភាគ ក្នុង​ព.ស.​២៤៦១ គ.ស.​១៩១៧ សៀវភៅ​នេះ​បាន​បោះពុម្ព​ច្រើន​គ្រា​មក​ហើយ។ កច្ចាយនូបត្ថម្ភកៈ (វេយ្យាករណ៍​បាលី), គហិបដិបត្តិ,  សាមណេរ​វិន័យ, បាតិមោក្ខ​សំវរ​សង្ខេប (សម្រាយ), កាព្យ​លោក​ធម៌, និង នាគោបមាទិកថា ជាដើម។

ចង់ជ្រាបច្បាស់សូមទស្សនាវីដេអូខាងក្រោមនេះ!!