ភ្នំពេញ៖ ក្នុងហ្វេសប៊ុកតារាទើបរះថ្មី ដែលមានមុខស្រស់ ឈ្មោះ កញ្ញា ណាំ ហ្វា បានសរសររៀបរាប់ថា «មានផលិតករម្នាក់ជំពាក់លុយខ្ញុំ400ដុល្លាថ្លៃថត រឿងម្ជុលបាតសមុទ្រ រយៈពេលជិតមួយឆ្នាំហើយ។ រឿងភាគនោះខ្ញុំបានសម្តែងជាមួយលោក ចា រិទ្ធី ហើយបានបញ្ចប់ការបញ្ចាំងនៅទូរទស្សctn ជាយូមកហើយ។

ក្នុងហ្វេសប៊ុកដែលមើលឃើញជាសាធារណៈ កញ្ញា ណាំ ហ្វា បង្ហាញទៀតថា «ខ្ញុំបានទូរសព្ទ័ទៅគាត់ច្រើនដងហើយ ប៉ុន្តែគាត់និយាយថាថ្ងៃនេះ ថ្ងៃនោះរហូតមក ជួនកាលអត់លើកលេខខ្ញុំទៀត ។ការពិតខ្ញុំបានឃើញព័ត៌មានពីរតារាផ្សេងៗទៀតដែលបានត្រូវគាត់បោកប្រាស់តាមផ្សារព័ត៌មានផ្សេងៗ»។ នាង ណាំ ហ្វា បន្តថា «បច្ចុប្បុន គាត់កំពុងផលិតរឿងអោយទូរទស្សpnn ខ្ញុំមានការសោកស្តាយណាស់ មិននឹកស្មានថាគាត់ធ្វើអញ្ចឹងដាក់ខ្ញុំ កំលាំងញើសឈាមរបស់ខ្ញុំ ខ្ញុំខំចំណាយ កំលាំងបើកឡានទៅថត ចាក់សាំងខ្លួនងឯ ទិញសំលៀកបំពាក់ខ្លួនឯង មិនគួរគាត់ធ្វើអំពើថោកទាបដាក់ខ្ញុំជាតារាថ្មីម្នាក់អញ្ចឹងទេ»។

នេះជាសារចុងក្រោយរបស់ខ្ញុំដែលផ្ញើរទៅអោយផលិតករម្នាក់នោះ សូមទូទាត់បំណុលនោះអោយបានលឿនបំផុត ព្រោះខ្ញុំទ្រាំលេងបានហើយ មុននិងខ្ញុំផុសរូបលោកជាសាធារណះ ព្រោះការអត់ធ្មត់របស់ខ្ញុំពេលនេះផុតកំណត់ហើយ !»។