ភ្នំពេញ៖ នៅ​ក្នុង​សង្គមសិល្បៈ​មួយ​រយៈចុងក្រោយ​ត្រូវបាន​គេសម្គាល់​ឃើញ ញឹក​ញយ​មាន​ផ្ទុះ​ពាក្យ​ពេចន៍​ឌឺដងដាក់​គ្នារវាង​តារា​និង​តារា ដែលពេលខ្លះ​លេច​ឡើងទាំង​វាចារនឹង​សូរស័ព្ទអសុ​រោះ​ ហែក​ហួរគ្នា​ឡើង​ផ្អើល​អស់​កេរប្រពៃណីខ្មែរ​។ ខណៈ​នេះ​ នាយ ខ្ចឹប ដែល​ជា​តារា​កំ​ប្លែងវ័យជ្រេរនោះ ក៏អាច​ហៅបាន​ថាជាតារាសិល្បៈ​រៀមច្បងក៏​ចេញ​សារ​ទទួច​តាម​បណ្តាញសង្គម​ សុំ​សារទូន្មានអប់រំ ថ្នាក់ពាក់ព័ន្ធ​ ។

​នាយ ខ្ចឹប បាន​សរសេរសារបង្ហាញ​នៅ​ក្នុង​គណនីហ្វេស​ប៊ុក​ថា «ក្នុង​នាម​ខ្ញុំជា​សិល្បករ​ជើង​ចាស់​មួយរូ​បសុំ​ស្នើរ​ដល់​លោកជំទាវរដ្ឋមន្រ្តីនៃក្រសួងវប្បធម៌ និង​វិចិត្រ​សិល្បៈ​មេត្តា​ គួរ​ពិចារណានឹងពិនិត្យឡើងវិញ លើពាក្យពេចន៍​របស់សិល្បករខ្មែរ​ទាំង​ឡាយ​ណា ដែល​ចូល​ចិត្តនិយាយភាសាអសុរោះ ឬគ្មានសិលធម៌​នាំឲ្យ​ប៉ះពា​ល់ដ​ល់ស​ង្គ​ម​ពិសេស​ប្រជាព​ល​រ​ដ្ឋ​ខ្មែរតែម្តង។

នាយ ខ្ចិប បាននិយាយទៀតថា «ក្រសួងគួរតែ​មាន​វិធា​នកា​រ​ណែនាំ ​ចំពោះសិ​ល្បក​រ​ទាំង​នោះ​ដោយ​ធ្វើយ៉ាង​ណាពន្យល់​ ឲ្យ​ពួក​គាត់​មិន​ត្រូវ​និយាយ​ប្រើប្រាស់​ពាក្យ​សម្តី ​ដែល​គ្មាន​វិជ្ជាជី​វៈឬ​ខ្វះសិ​លធ​ម៌នោះ​ឡើយ»។ នាយ ខ្ចឹប ក៏​បាន​លើកឡើង​ទៀតថា «​ព្រោះនេះ​ជាប្រ​យោជន៍​និង​គំរូ​ដ៏​សំខា​ន់ស​ម្រាប់​ក្មេង​ៗជំ​នា​ន់​ក្រោយ​ដែល​ជាទំ​ពាំង​ស្នង​ឬស្សី​។​