ភ្នំពេញ៖ ក្នុង​ឯកសណ្ឋាន​អាវយឿត​ស្ព័រ​​ផុស​រូប​ទង​ជាតិកម្ពុជានៅ​នឹង​ដើមទ្រូង ខណៈ​​នៅ​នឹង​ដៃ​អាវ ​ផុស​អក្សរធំបង្ហាញ​ពី​ឈ្មោះក្រុម​ម៉ូតូ​ ថា BMW Motorcycle Club Cambodia ។ ដែលជាសញ្ញានៃក្រុម​ម៉ូតូនៅ​កម្ពុជា​ ខណៈ​ក្រុម​នេះក៏​បង្ហាញ​ឆន្ទៈ​គាំទ្រ ការ​បង្កើត​មន្ទីពេទ្យ​រោគស្រ្តី​ដ៏ធំដំបូង​នៅ​កម្ពុជាឈ្មោះ (នគរទេព)​ ជាមួយ​នឹង​ដំណើរអង្គាសប្រាក់​ជុំវិញ​ពិភ​ព​លោ​ក ពីក្លឹមម៉ូតូធំមកពីប្រទេស​សិង្ហហ្កាពូ ដែល​ឈ្នោះ BMW Motorcycle Club Singapore ​។

ព្រមនឹង​ការស្វាមគមន៍​​ក្រុម​ម៉ូតូ​ធំ BMW Motorcycle Club Singapore ​ដែលជិះ ឆ្លង​មក​ដល់​ប្រទេ​សកម្ពុជា​ ជាមួយ​នឹងការ​នាំយក​មក​នូវ​ទឹក​ប្រាក់ ​ជាង​២ម៉ឺន​ដុល្លារយកមក​ឧបត្ថម្ភ​មន្ទី​ពេ​ទ្យ​​ព្យាបាល​ជំងឺស្រ្តី​ដ៏​ធំនៅ កម្ពុជាដែលកំពុង​ដំណើ​រកា​រ​សាងសង់​អគារមន្ទីពេទ្យ​ដ៏​ធំ​ល្ហឹង​ល្ហើយ​​នៅ​លើ​ទី​តាំ​ង​ខាង​លិច​ផ្លូវ​បំបែកចំការដួង​ ឆ្ពោះ​ទៅ​តំបន់ព្រៃសរ​នោះ​។ ​នៅ​រលៀស​ថ្ងៃទី​២៨ខែកញ្ញា ក្រុមម៉ូតូ​កម្ពុជា BMW Motorcycle Club Cambodia​ ក៏​នាំគ្នាជិះម៉ូតូជាក្បូន​រួម​គ្នាជាមួយនឹង​ម៉ូតូធំមកពីប្រទេសសិង្ហហ្កាពូ ឆ្ពោះ​ទៅ​មើល​ការសាងសង់​មន្ទីពេទ្យន​គរ​ទេព ។

លោក អ៊ុំ ប៊ុនរ៉េត ប្រធានក្រុម​ BMW Motorcycle Club Cambodia ក៏បាន​ឲ្យ​ដឹងថា «ខ្ញុំ​ក៏ដូច​ជាក្រុម​ម៉ូតូ​ BMW Motorcycle Club Cambodia មានការស្ញប់​ស្ញែង​នូវ​ទឹក​ចិត្ត​ក្រុមម៉ូតូ​ធំមក​ពី​សឹ​ង្ហហ្កាពូ ដែល​គាត់​គាំទ្រការបង្កើតមន្ទីទេព្យនគរទេព​ ដែលមន្ទីពេទ្យ​មួយថ្មីនេះ សំដៅ​ការ​ព្យា​បា​លលើ​រោ​គស្រ្តី​​នៅ​កម្ពុជា​ ពិសេសជំងឺមហារីក ដែលយើងកំពុង​បារម្ភ​ ដែលគាត់រ​ង្គាស​​ប្រាក់​តាម​បណ្តាញសង្គមនៅ​ជុំវិញ​ពិភពលោកជួយ ខ្មែរដើម្បី​សុខភាពស្រ្តី​។

ប្រធាន​ក្រុម​ម៉ូតូនៅ​កម្ពុជា ដែលពោលថា ក្រុមម៉ូតូ មិនមែន​បង្កើតឡើងគ្រាន់​តែជិះកម្សាន្ត ជាមួយ​នឹង​ស្ទូរ ដែលអ្នក​ខ្លះគេថារំខានគេនោះ ពួកយើងបង្កើតឡើង​ក្រៅពីកម្សាន្តក៏​ដើម្បីសង្គម​ផង​ដែរ​។ លោក ប៊ុនរ៉េត បន្តថា «តួយ៉ាងក្រុមរបស់ខ្ញុំ​កន្លងមក​ក៏ធ្លាប់បានធ្វើ​ការងារសង្គមតាម​រយៈក្រុមធ្វើ​អំណោយមនុស្សធម៌ផង​ដែរ ហើយពេល​យើង​ក៏​បានរួម​គ្នាជាមួយ​នឹង​ថវិកាម​នុ​ស្សធម៌មកពីក្រុម​ម៉ូតូធំ BMW Motorcycle Club Singapore ដែលគាត់ប្រមូលបាន​ចំនួន២២, ៥០០ ដុល្លារ ដោយ​ឡែកក្រុមនៅ​កម្ពុជាយើងបាន​ចំនួន​ជិត២ពាន់ដុល្លារ ជួយទ្រទ្រង់ការបង្កើត​មន្ទីពេទ្យ​នេះ​ដែរ​»។