ភ្នំពេញ៖ កាលពីព្រឹកថ្ងៃទី២៩ ខែកញ្ញា ឆ្នាំ២០១៧នេះ នៅវិមានសន្តិភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញសំណេះសំណាល និងបំពាក់​គ្រឿង​ឥស្ស​រិយយស ជូនព្រឹ​ទ្ធា​ចារ្យ កោសល្យវោហារ គង់ ណៃ ដែលទើបនឹងទទួលពានរង្វាន់ ហ្វូគុអូកា ពីប្រទេស​ជប៉ុន។ គួរបញ្ជាក់ផងដែរថា ពា​ន​រង្វាន់សិល្បៈ និងវប្បធម៌ហ្វូគុអូកា ត្រូវបានបង្កើតឡើងនៅឆ្នាំ១៩៩០ នៅទី​ក្រុងហ្វូគុអូកា ប្រទេសជប៉ុន ដែលបាននឹងកំពុងធ្វើសកម្មភាពយ៉ាងសកម្មក្នុងការលើកស្ទួយ ការផ្លាស់ប្តូរ​វប្ប​ធម៌​ជាមួយបណ្តាប្រទេសនានាក្នុងតំ​បន់អាស៊ី រួមមានប្រទេសកម្ពុជាផងដែរ។

ខណៈប្រទេសកម្ពុជា វត្តមានព្រឹទ្ធាចារ្យ កោសល្យវោហារ គង់ ណៃ គឺជាព្រឹទ្ធបុរសខ្មែរ​ទី៣ដែលបាន​ទទួល​ពាន់​រង្វាន់ ហ្វូគុអូកា ពីប្រទេសជប៉ុន បន្ទាប់ពី លោក ព្រឹទ្ធាចារ្យ ឆេង ផង និងលោក សាស្រ្តាចារ្យ អាំង ជូលាន។ ពិធីសំណេះសំណាលនិងបំពាក់គ្រឿងឥស្សរិយយស ដែលបំពាក់ដោយសម្តេចអគ្គមហាសេនាបតី ហុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនលោកព្រឹទ្ធាចារ្យកោសល្យវោហារ គង់ ណៃ ទទួលបានពានរង្វាន់សិល្បវប្បធម៌ ក្រុងហ្វុគុអូកា ប្រទេសជប៉ុន។ ធ្វើនៅ ទីស្តីការគណៈរដ្ឋមន្ត្រី ថ្ងៃទី២៩ ខែកញ្ញា ឆ្នាំ២០១៧ នេះក៏មានវត្តមានសិល្បករសិល្បការិនី មកពីគ្រប់ទម្រង​សិល្បៈ​ចូលរួម​អបអរ​លើកទឹ​កចិត្តម្ចាស់ពានរង្វាន់ ហ្វូគុអូកា ។ ក្នុងនោះដែរ ក្រៅពីសម្តេចនាយករដ្ឋមន្រ្តីធ្វើការសំណេះសំណាល ប្រកបដោយ​ភាពស្និទ្ធ​ស្នាលនិង​ភាព​សប្បា​យរីករាយជាមួយសិល្បករ សិល្បការិនី ។ សម្តេចក៏បានបំពាក់គ្រឿងគ្រឿងឥស្សរិយយសជូនលកតា ចាប៉ីដងវែង ម្ចាស់ពានរង្វាន់ ហ្វូគុអូកា រួមនឹងថវិកាចំនួន១០០លានរៀល ខណៈ ព្រឹទ្ធាភារម្យ ប្រាជ្ញ ឈួន ក៏ត្រូវបានសម្តេចបំពាក់គ្រឿងគ្រឿងឥស្សរិយយស រួមនឹងការ​ឧបត្ថម្ភនូវ​ទឹក​ប្រាក់​ចំនួន​២០លាន​រៀល​ផង​ដែរ។