ភ្នំពេញ៖ តារាសម្តែងកញ្ញា វ៉ាន់ វល័ក្ខ ដែលប្រិយមិត្តធ្លាប់បានស្គាល់ហើយ តាមរយៈតួអង្គកាចឆ្នាស និងការស្លៀកពាក់ស៊ិចស៊ីចំហដើមទ្រូង។ ខណៈថ្មីៗនេះតារានិយមបង្ហាញសម្ផស្សសិចស៊ីរូបនេះ ក៏ធ្វើឲ្យមានការភ្ញាក់ផ្អើល ជាមួយនឹងដំណក់ទឹកភ្នែក ហូរជ្រែកផែនថ្ពាល់ដ៏ហ្មតរលោង តែមិនមែនចេញពីការសម្តែងក្នុងភាពយន្ត។
ទន្ទឹមនឹងការតាមដានពីមហាជន ចង់ដឹងពីមូលហេតុដែលនាំឲ្យ ស្រីស្រស់សម្ផស្សស្បែកសរហ្មត់ខ្ចី មានកំណើតពីទឹកដីខេត្តកំពង់ឆ្នាំង នាង វ៉ាន់ វល័ក្ខ ទួញយំនោះ។នៅក្នុងគណនីហ្វេសប៊ុកនាងក៏មានបង្ហាញតាមរយៈសារនាងបង្ហោះរៀបរាប់ថា« ស្រលាញ់ វាណា ស់ហេតុអីក៏ចឹង ឬក៏វាលែងចង់នៅជាមួយហើយ ខូចចិត្ដណាស់»។
កញ្ញា វ៉ាន់ វល័ក្ខ បានបញ្ជាក់ថា «នោះដោយសារតែរថយន្តខ្ញុំត្រូវគេបុកពីក្រោយ។ តែដោយសារខ្ញុំស្រឡាញ់ រថយន្តមួយនេះខ្លាំង មិនចង់ឃើញរបស់ស្រឡាញ់ក្នុងសភាពបែបនេះ ក៏ទប់ទឹកភ្នែកមិនបាន មានតែឲ្យវាស្រក់ចេញមកចឹងទៅបានធូរខ្លះ»។
