ភ្នំពេញ៖ នៅរសៀល​ថ្ងៃ​ទី​៣០​ខែកញ្ញានេះ កញ្ញា វ៉ាន់ នីឡា ដែលជាប្អូនស្រី​កវី សុខ ជំនោរ បានសរសេរនៅ​បង្ហាញ​នៅ​លើគណនីហ្វេស​ប៊ុកនាង ជម្រាបប្រាប់​សាធារណៈជន​ ឲ្យ​ដឹង​ថារូបនាង កំពុង​ស្ថិតក្នុង​​ភាព​ភ័យ​ខ្លាច​ជាថ្មី ដែលរំខានពី​អតីតសង្សាជាមន្រ្តីប៉ូលីស​ ដែល​តុលា​ការកាត់​ក្តី​ជាប់​ឃុំ២ឆ្នាំនិង​ពិន័យជាប្រាក់ចំនួន​២០០លានរៀល កាលពីពាក់​កណ្តា​ល​ខែ​មុន​នោះ​។

ក្នុង​សារ ដែលភ្ជាប់​ទាំង​ឈ្មោះ លោក គុយ សិទ្ធីស័ក្ក​ ជាឈ្មោះអតីតសង្សា​ ដែលនាង វ៉ាន់ នីឡា ប្តឹង​ចោទ​ពី​បទ បរិហាកេរ្តិ៍និង​ទម្លាយ​រូបថតអា​ក្រាតកាយ​នាងជាច្រើនសន្លឹក​ត្រូវបាន​ទម្លាយ​ពេញនៅ​ក្នុងបណ្តាញ​សង្គមនោះ នាង វ៉ាន់ នីឡា បាន​សរសេររៀបរាប់​ឲ្យ​ដឹងថា «អ្នក​​ឯងចង់បានស្អីទៀត ? អស់ពីឆាត អស់​ពីរ​ផ្ញើរចំរៀង ឥឡូវខល​យកមង »។

តែយ៉ាងណា នាង វ៉ាន់ នីឡា បាន​បង្ហាញ​ថា ​អត់​ចង់​ផុស​ទេ តែដេកគិតសព្វទៅដូចជាជ្រុល អ្នក​ឯង​នៅមាន​សិទ្ធសេរីភាព អ្នកឯងដេកសម្ងំទៅកុំ​មកមានវត្តមាននៅលើទូរសព្ទ័របស់ខ្ញុំ​។​ វ៉ាន់ នីឡា បញ្ជាក់​ចុងក្រោយថា «វត្ត​មាន​មួយ​នេះប៉ះ​ពាល់ដ​ល់សតិអារម្មណ៍ខ្ញុំ​ខ្លាំង»។