អូស្រ្តាលី៖ លោក ឈុន សុធី ដែលជាសមាជិកក្រុមប្រឹក្សាភិបាល សមាគមសិល្បករខ្មែរ ដែលកំពុងស្នាក់នៅប្រទេសអូស្រ្តាលី ក្នុងដំណើរទៅសម្តែងនៅដែនកោះនោះ ដែលសរសើរពីសកម្មភាពសិល្បករសិល្បការិនី ជាមួយនឹងប្រធានសមាគមសិល្បករខ្មែរ។លោកក៏បង្ហាញសារលើទឹកចិត្ត លោក យូ ឌីស្កូ ដែលកំពុងមានជំងឺដេកនៅក្នុងមន្ទីពេទ្យ នឹងសន្យាជួយ យូ ឌីស្កូ ក្រោយពេលជាពីជំងឺ។
លោក បានបង្ហាញឲ្យដឹងថា កន្លងមក យូ ឌីស្កូ ធ្លាប់បានទំនាក់ទំនងចង់សុំមកសម្តែងនៅប្រទេស អូស្រ្តាលី ។ ប៉ុន្តែក៏សូមទោសដែរ ឌីស្កូ ព្រោះថា មានតារាច្រើនត្រូវចេញមកសម្តែងបន្តបន្ទាប់ច្រើន »។ លោក ឈុន សុធី ដែលបន់យ៉ាងទទួចឲ្យ យូ ឌីស្កូ ឆាប់ជាពីជំងឺនិងបានចូលលេងសិល្បៈវិញ។ លោកក៏បានបញ្ជាក់ថា « ឌីស្កូ បងបន់ឲ្យប្អូនឆាប់ជា ហើយជាពេលណា បងនឹងរៀបចំឯកសារ ឲ្យឌីស្កូ បានមកសម្តែងនៅអូស្រ្តាលី ពេលនឹង។ បងសន្យា សប្បាយចិត្តឡើង ឌីស្កូ ហើយក៏ប្រឹងថែរក្សាសុខភាព ឌីស្កូ នឹងបានសម្រេចតាមបំណងមកសម្តែងនៅប្រទេសអូស្រ្តាលី»។
