ភ្នំពេញ៖ កញ្ញា សុខ ស្រីម៉ុច នៅ​មុននេះ​បាន​ផ្ទុះ​ឡើង​នូវ​ភាព​ហ៊ឺហារ​ផ្លែក​ ជាមួយ​​នឹ​ងការ​ប្រើ​​ប្រាស់សម្ភារៈ​និយម។ ប៉ុន្តែ​អ្វី​ដែលមិន​នឹកស្មាននោះ ពេលនេះ នាង​ក៏​បែរ​ជាត្អូញ​ថា ភាពហ៊ឺហារនោះ បាន​ជ្រុះបាត់​​ទៅ​វិញ​អស់​ហើយ​​។

កញ្ញា សុខ ស្រីម៉ុច ដែលមានងារជាតារាសម្តែង​ថ្ពាល់ខួច និង​មាន​ទម្រងមុខ​ស្រដៀង​នឹង​ អ្នក​នាង ដាញ់ ម៉ូនីកា ដែលកំពុង​រស់​​នៅ​ប្រទេសអូស្រ្តាលីនោះ នាងក៏​បាន​ពោលថា «​រាល់​ថ្ងៃនេះ​ខ្ញុំ​ដូច​ជា​ខ្លាច​រអាច​នឹង​ព័ត៌មានដែលថា ខ្ញុំមាន​អ្នក​ចិញ្ចឹម​។ មិន​ដឹងពេលណាបាន​ឈប់​​តាម​មក​លងបន្លាចទៀត​ទេ​»។

​ស្រីម៉ុច ក៏​បាន​លើកឡើង​ថា «ពីមុនមានគេ(មិត្តភក្តិនឹងអ្នកស្គាល់គ្នា)ជួយខ្ញុំច្រើននៅក្នុងវិស័យសិល្បៈ ដូច្នេះ​ហើយទើបខ្ញុំមានឱកាសការច្រើន ហើយប្រាក់ចំណូលក៏រកបានគួរសម លុះដល់គេចេះតែល្បីថា ខ្ញុំមាន​គេ​​ចិញ្ចឹមមកឱកាសរកប្រាក់ នឹងកេរ្ថិ៍ឈ្មោះរបស់ខ្ញុំក៏ហាក់ថមថយទៅវិញ»។ តារាសម្តែង​ដែល​មាន​សម្ផស្ស​មុខ​គួរ​ឲ្យ​ខ្នាញ់​​មាន​កំណើត​​ពី​ខេត្តកំពង់ធំរូបនេះបញ្ជាក់ថា«ព្រោះតែគេយល់ថា ខ្ញុំមានគេឧបត្ថម្ភហើយ ទើបធ្វើឲ្យមានការយល់ច្រឡំទៀត  ហើយក៏​នាំឲ្យ​ការងារ​រកចំណូលក៏​ថមថយដែរ »។