ភ្នំពេញ៖ សិល្បករជើងចាស់ផ្នែកចម្រៀង​អាយ៉ៃ ដែល​​ទើប​នឹង​ជួប​ទុក្ខ​ធំ​ ប្រពន្ធ​ចាកលោក​ចោល​ ក្នុង​វ័យ​ជរា លោក តា ផ្លុង មឿក នៅ​យប់ថ្ងៃ​ទី​៣ខែតុលារ​ក៏​ត្រូវ​បាន​កូន​ៗ​នាំ​មក​សង្គ្រោះ​បន្ទា​ន់​នៅម​ន្ទី​ពេទ្យកាល់ម៉ែត្រ បន្ទាប់​ពី​ជំងឺសួត និងខួរក្បាលស្វិតធ្វើ​ទុក្ខ​ខ្លាំង​។

បង្ហាញ​ពី​រូបភាព​ឈប្រប​នឹង​គ្រែពេទ្យ ដែល​សិល្បករជើង​ចាស់​ផ្នែក​ចម្រៀង​អាយ៉ៃ លោក តា ផ្លុង មឿក ដេក​​ស្តូ​ក​​ស្តឹង ប្រឹង​តែកែវ​ភ្នែក​បើក​ភ្លៀកៗនិង​មាត់​ម្ហប់​ៗ នៅក្នុង​គណ​នី​ហ្វេសប៊ុក លោក អ៊ឹម ជីវ៉ា ក៏​បាន​សរសេរ​សារ​ផ្សព្វផ្សាយ​ថា «សូមជំរាបជូនដំណឹងបន្ទាន់ នៅវេលាយប់នេះ តារាចម្រៀងផ្នែកអាយ៉ៃ  វីរៈសិល្បករ លោកតា ផ្លុង មឿក កំពុង​សង្គ្រោះ​ប​ន្ទាន់នៅមន្ទីពេទ្យកាល់ម៉ែត្រ ដោយជំងឺសួត និងខួរក្បាលស្វិត»។ លោក អ៊ឹម ជីវ៉ា ក៏បាន​បង្ហាញ​ទៀតថា «ពេលនេះក្រុមគ្រួសារវីរៈសិល្បករលោកតា ផ្លុង មឿក កំពុង​ខ្វះ​ខាត​សូម​ឲ្យ​បង​ប្អូនសិល្បករជួយគាត់ដោយអនុគ្រោះផង »។