ភ្នំពេញ​៖ តារាសម្តែង លោក ប៉ែន ចំរ៉ុង នៅ​ក្នុង​ឱកាស​អញ្ចើញ​ជាតារាកិតិយស់​នៅ​កម្ម​វិធី​វិទ្យុ​ជាតិ ដែលធ្វើ​ការផ្សាយ​ផ្ទាល់នៅ​លើបណ្តាញសង្គម​នៅព្រឹក​ថ្ងៃ​ទី៤ខែតុលានេះ លោក​ក៏បាន​បង្ហាញ​ពីគម្រោង​មួយ លើមហិច្ឆិតាជីវិត ដែលគម្រោងនេះ កន្លងមក​ពុំ​ធ្លាប់មាន​ឮឡើង​ពី​អ្នកសិល្បចង់ធ្វើ​ ហើយធ្វើ​ដើម្បី​​សុខភាព​ទូទៅ​របស់​ប្រជាជន​ខ្មែរ​។

ឆ្លើយ​តបនឹង​សំណួរជាច្រើន​​ ដែលចោទពី​លោក គុយ ស៊ីឌឿន អ្នកសម្របសម្រួលកម្មវិធី  តារាភាពយន្ត​​ដែ​ល​​​​​​​ញាំញី​ដោយ​ពាក្យ​ពេចន៍​លេច​ឡើង​ដោយ​សូរស័ព្ទ​ចំអក​ឡយ​ឡាយ ពីមហាជន​មិនស្ងប់ បន្ទាប់​ពី​បញ្ចប់​ចំណង​ជីវិតដ៏ចម្រូងចម្រាស នឹងកូនថៅ​កែ​ផលិតកម្ម​មហាហង្ស ជាមួយការបន្សល់​ទុក​ដំណក់ឈាមមួយ​គ្រាប់​ តែមិន​មានឱកាសថ្នមប្រឡែង​កូន។​​ លោក ប៉ែន ចំរ៉ុង ក៏​ទទួចផង​ដែរ សូមចិត្តមហាជន កុំឲ្យ​រឿង​ឯកជន​របស់​លោក ទៅ​ធ្វើ​ការឡូកឡំនឹងការងារ​សិល្បៈទៀតអី។

បន្ទរនូវសារ​ទទួចនេះ​ តារាភាពយន្តដែលធ្លាប់មាន​ឈ្មោះ ជាកូ​ន​ប្រសា​រថៅ​កែ​ផលិ​តក​ម្មម​ហា​ហង្ស ក្រៅបញ្ជីគ្រួសាររូបនេះ ក៏​បង្ហាញថា «អ្វីដែលសំខាន់គឺខ្ញុំ តស៊ូ​នឹង​ការងារ​សិល្បៈ​ទម្រា​ប់​មានថ្ងៃនេះ ហើយ​ថ្ងៃមុខខ្ញុំក៏​នៅជាអ្នកសិល្បៈ ។ឈ្មោះជាអ្នក​សិល្បៈនេះ​ខ្ញុំ​និង​រក្សា​វា​ យ៉ាងហោច​មានឈ្មោះ​ជារៀមច្បងសិល្បៈ​ដែរ​ ដើម្បី​នឹងបន្ត​ជំនាញសិល្បៈនេះជូន​ទៅ​អ្នក​ជំនាន់ក្រោ​យៗតទៅទៀត​​»។

ជាចុងក្រោយ តារាភាពយន្ត លោក ប៉ែន ចំរ៉ុង ក៏បង្ហាញថា «អ្វី​ដែលជាមហិច្ឆិតាខ្ញុំ ក្រៅ​ការ​ងារសិល្បៈ គឺការងារដើម្បីសុខភាព នោះគឺចង់បើកកសិដ្ឋាន​តូចមួយ ដាំបន្លែដែលមិនមាន​ជាតិ​គីមី ដើម្បីលក់​ឲ្យបងប្អូនទទួល​ដើម្បីសុខភាព​ល្អ។ នេះ​បើអាច​ធ្វើ​ទៅ​បាន ព្រោះវា​ជា​ក្តី​ប្រា​ថ្នា​ខ្ញុំយូរហើយ​»។