ភ្នំពេញ៖ កញ្ញា វណ្ណ វល័ក្ខ គឺជាតារាសម្តែងស្រី មានប្រជាប្រិយភាព និងទីផ្សារសម្តែងច្រើនគួរសម បើប្រៀបទៅនឹងតារាសម្តែងស្រីឯទៀត។ ទន្ទឹមគ្នានៃអាជីពសិល្បៈ ផ្តើមមានការរីកលូតលាស់ខ្លាំងនោះដែរ កញ្ញា វណ្ណ វល័ក្ខ ក៏ចាប់ផ្តើមមានភាពហ៊ឺហារ ជាមួយសម្ភារៈទំនើបៗ ប្រើប្រាស់សុទ្ធសឹងរបស់ ដែលមានតម្លៃថ្លៃៗ។ ប៉ុន្តែបើងាកទៅចាប់អារម្មណ៍ ពីជីវិតស្នេហារបស់នាងឯណោះវិញ គឺមិនបានសមប្រកបតាមបំណងឡើយ ដោយនាងនិងសង្សាវ័យក្មេង ជាម្ចាស់ក្លឹបកម្សាន្តរាត្រីមួយ ក្រោយស្រឡាញ់គ្នាមិនយូរប៉ុន្មានផង ក៏បែកបាក់គ្នាវិញ។
យ៉ាងណាមិញ ក្រោយពេលដេកស្អំព្យាបាលបេះដូង ដែលឈឺចាប់នេះត្រឡប់មកដូចគ្រាដើមវិញនោះ កញ្ញា វណ្ណ វល័ក្ខ កាលពីថ្មីៗកន្លងមកនេះ គេចាំបានថា នាងក៏បើកសញ្ញាភ្លើងខៀវរង់ស្នេហ៍ថ្មី និងបុរសដែលស្រឡាញ់ខ្លួនសោះ ជាថ្មី។
ជាមួយគ្នានៃការប្រកាស ទទួលស្នេហ៍ថ្មីនោះដែរ កញ្ញា វណ្ណ វល័ក្ខ ក៏បានប្រកាសប្រាប់ខ្លួនឯង និងនារីៗឯទៀត ដើម្បីជាមេរៀនថា «ត្រូវចាំថា ស្រឡាញ់នរណា ដែលគេស្រឡាញ់យើង កុំស្រឡាញ់នរណា ដែលយើងស្រឡាញ់គេ!» ខណៈដែលកន្លងមក នាងធ្លាប់ធ្លាក់ខ្លួនជាជនរងគ្រោះ ព្រោះល្បែងស្នេហាម្តងរួចមកហើយនោះ៕
