ភ្នំពេញ៖ មហាជនជាច្រើនបានស្គាល់ថា លោក សុវត្តិ មុន្នីវណ្ណ កូន​ប្រុស​ច្បង​របស់​កំពូលតារាចម្រៀង លោក ព្រាប សុវត្តិ សម្រាប់ឆ្នាំ២០១៧ នេះ លោក សុវត្តិ មុន្នីវណ្ណ អាយុ ១៨ឆ្នាំ (ឆ្នាំកំណើត ១៩៩៩) ដែលពេញ វ័យ​វឌ្ឍាការ ឬ​ហៅ​ថា “ពេញកំលោះ” ។

ដោយ​អំណោយ​ផង​ពី​ធម្មជាតិ មានរាងខ្ពស់ស្រឡះ​ សង្ហាដូចតារាបង្ហាញម៉ូដ ជា​ពិសេសស្នាមញញឹម​ដ៏ទាក់​ទាញ ដែល​ធ្វើ​ឲ្យ​នារីៗ​ជា​ច្រើន​បាន​បាក់​ចិត្ត​ស្រឡាញ់ ដោយសារការបង្ហោះវីដេអូរបស់កូន​កំលោះ​កំពូល​តារា​ចម្រៀង​ម្តងៗ លើបណ្តាញសង្គម Facebook មានអ្នកគាំទ្រ ចុច Like, Comment និង Share យ៉ាង​ច្រើន​សន្ធឹកសន្ធាប់។ ចំណែកឯសមត្ថភាពសិល្បៈវិញ លោក​អាច​ច្រៀង​បទចម្រៀងជាភាសាជាតិ និងជាភាសា​អង់​គ្លេសបានយ៉ាងពិរោះ និង​អាច​លេងហ្គីតាបានយ៉ាងល្អ ពិសេស​ជាង​នេះ​ទៅ​ទៀត​ សុវត្តិ មុន្នីវណ្ណ​មាន​សម​ត្ថ​ភាព​រាំដ៏រស់រវើក។

គួរបញ្ជាក់ផងដែរថា ថ្មីៗនេះ​កូនប្រុស​ច្បង​កំពូល​តារាចម្រៀង លោក ព្រាប សុវត្ថិ​ រូបនេះ​ត្រូវបានផលិតកម្ម​រស្​មីហង្សមាសជ្រើសរើសជាតារាចម្រៀង ហើយ​គ្រោងនឹងចេញបទចម្រៀងនាពេលឆាប់ៗនេះ ដោយ​មាន​ការ​ចាប់​ដៃគូ​រ​ជា​មួយ កញ្ញា រ៉េត ស៊ូហ្សាណា ជាអ​តីត​បេក្ខ​ជន​ប្រឡ​ងច​ម្រៀ​ង​លំ​ដា​ប់​ថ្នាក់​ពិភព​លោក The Voice Cambodia ។