ភ្នំពេញ៖ ដំណើរវិលជាន់សង្វៀនសិល្បៈជាថ្មី ក៏ពុំទាន់លេចឡើងនូវស្នាដៃសិល្បៈ ជាដុំកំភួន ដែលជាទី​ចាប់​អារ​ម្មណ៍ខ្លាំងពីមហាជន ពីអ្នកមេម៉ាយកូនមួយ អ្នកនាង សម សុជាតារ៍។ ខណៈតារាស្រីរូបនេះ ក៏ពោលពាក្យ​ខ្លាច​អារម្មណ៍ខ្លាចរអា និងស្រមោលអតីតកាល ដែលកំពុងផ្ទុះកក្រើកលើសង្វៀនសិល្បៈ។

អ្នកមេម៉ាយកូនមួយចំណាយមាត់ញាតិ អ្នកនាង សម សុជាតារ៍ ថ្មីៗក៏ត្រូវបានអ្នកនិយម​ប្រើប្រាស់​បណ្តាញ​សង្គម​ដ៏ភ្ញាក់ផ្អើលថា នាងគឺជាម្ចាស់ពានកំពូលតារាស្រីសិចស៊ីប្រចាំឆ្នាំ២០០៧»។ ព្រមគ្នានោះនាងក៏ទទួល​រង​នូវមតិរិះគន់ច្រើនផងដែរ ទាំងពាក្យចំអកថា ធ្វើនេះវាចំណេញអី ប្រយ័ត្រត្រូវក្រសួង​ដាក់បម្រាម​ទាំងការងារ​សិល្បៈ និងអ្នកខ្លះក៏រិះគន់ចំអកឲ្យថា គ្មានអ្វីអស្ចារ្យជាសុទ្ធតែសម្ផស្សសប្បនិមិត្ត និងជាតិគីមីហ្នឹង។

 

ឆ្លើយតបនិងការគាស់កកាយអតីតកាលនិងការរិះគន់នេះ អ្នកនាង សម សុជាតារ៍ ប្រាប់ថា «ការបែកធ្លាយ​រូប​ភាពសិចស៊ីរបស់ខ្ញុំកាលពី១០ឆ្នាំមុននោះមិនមែនជាចេតនារបស់ខ្ញុំដែរ ហើយខ្ញុំក៏មិនដែល​នឹកចង់ធ្វើ​អ្វីឲ្យ​ដូច​អតីតកាលនោះដែរ»។ ថ្លែងក្នុងភាពបែបជាមនុស្សស្រីចាស់ទុំ យល់ពីតម្លៃស្រ្តីនិងវប្បធម៌អ្នកនាង សម សុជាតារ៍ ថា ពេលនេះខ្ញុំចូលសិល្បៈវិញ ក៏មិននឹកចង់​បានភាពភ្ញាក់​ផ្អើលឬចង់​ឲ្យមហាជន​ស្គាល់​ដោយរូប​ភាពនោះទៀតដែរ។ ខ្ញុំចូលគឺរំពឹងលើសមត្ថភាពសិល្បៈសម្តែង ហើយខ្ញុំក៏យល់ដែរពីតម្លៃវប្បធម៌ជាតិ»។

ទន្ទឹមនឹងការបកស្រាយនោះ អ្នកមេម៉ាយរូបនេះ ក៏បកស្រាយផងដែរពីការដែលគេថា សម្ផស្សដ៏សិចស៊ីនាង បានពីគីមី។ ដោយនាងអះអាងថា «មួយតួខ្លួនឬក៏រូបសម្ផស្សមិនមែនបានមកដោយជាតិគីមីទេ ហើយក៏ហ៊ាន​ភ្នាល់ដាក់លុយដែរជាមួយអ្នករិះគន់ខ្ញុំ។ តើហ៊ានទេ?»។