ភ្នំពេញ៖ ក្រោយពីផ្ទុះព័ត៌មានរឿង ឱក សុគន្ធកញ្ញា បានភ្ជាប់ពាក្យស្ងាត់ៗ ជាមួយប្អូនប្រុសថៅកែហង្សមាស។ ពេលនេះប្អូនស្រីបង្កើតរបស់កំពូលតារាចម្រៀង សុគន្ធ កញ្ញា អះអាងជួសបងស្រី។ ការចេញមុខមកធ្វើការ​ជួស​បងស្រី ដែលជាតារាចម្រៀងល្បី កញ្ញា ឱក សុគន្ធ កញ្ញា នោះ ប្អូនតារាចម្រៀងរូបនេះថា បងស្រីរបស់ខ្ញុំជាប់រវល់ មិនអាចទទួលទូរស័ព្ទបានទេ។

ប៉ុន្តែបន្តពីហេតុផលនេះ នាងបញ្ជាក់ខ្លីថា «បងស្រីរបស់ខ្ញុំ មិនបានភ្ជាប់ពាក្យជាមួយប្អូនប្រុស ថៅកែហង្សមាស ដូចអ្វីដែលបានចុះផ្សាយនោះទេ»។ ប៉ុន្តែយ៉ាងណា ព័ត៌មានចចេកចចូចពីពីតារាសិល្បៈ និងអ្នកស្និទ្ធិជាមួយ កញ្ញា ឱក សុគន្ធកញ្ញា នៅតែបន្តពោលថា «ឱក សុគន្ធកញ្ញា ពិតជាបានភ្ជាប់ពាក្យជាមួយប្អូនប្រុសរបស់ថៅកែហង្សមាសប្រាកដមែន ដោយបុរសវ័យជាង៤០ឆ្នាំ ម្នាក់នោះបានទាំងទិញរថយន្តឲ្យនាងមួយគ្រឿងទុកជាចំណងដៃក្រោយពីបានភ្ជាប់ស្នេហ៍នោះផង»។