ភ្នំពេញ៖ ទាំងនៅ​​ក្នុង​ហ្វេសប៊ុកថៅ​កែហាង ផ្ទះកូនភ្លោះ ដែល​គេស្គាល់ថា ជាអតីត​ពិធីការិនី ដែល​កំពុ​ង​ញាំ​​ញី​ និង​ជីវិតស្នេហ៍ប្រេះស្រាំ ដោយ​​ឪពុកកូនភ្លោះរបស់​នាង ដែលកំពុងក្លាយជាយ៉ីហោ ហា​ង​​​ដ៏​ទាក់​ទាញ់ គឺលោក សុវណ្ណ មករា ទៅមាន​អ្នកថ្មី​នោះ។ អ្នកនាង ឈិន ច័ន្ទសុធារី ក៏​បាន​ប្រកាសថា ហាងផ្ទះកូនភ្លោះបើសម្ភោធល្ងាចនេះ​ហើយ (ល្ងាចថ្ងៃ​ទី​១១ខែសីហា)នេះ​។

 

​នៅ​ក្នុង​ហ្វេសប៊ុក​ថៅ​កែហាង ផ្ទះកូនភ្លោះ រួម​នឹង​ហ្វេសប៊ុកប្អូនស្រីថៅកែ បន្ថែម​ពី​ការ​ប្រកា​ស​ពីកា​របើកសម្ផោធហាងនោះ ក៏​មាន​បង្ហាញ​ពី​រូបភាពហាង​​ដ៏ស្រ​ស់​ស្អា​ត​។ ក្នុង​នោះ​ក៏​មាន​អ្នកគាំទ្រ​ហាងផ្ទះ​កូនភ្លោះជាច្រើន​បង្កាញ​ពីសារគាំទ្រ​។ ខណៈ​អ្នកមេម៉ាយជាថៅ​ហាងរូបនេះ​ក៏បាន​ប្រាប់មក​តារាថ្មី​ថា «ហាងផ្ទះកូនភ្លោះ​មិនធំទេ តូច ប៉ុន្តែយើង​រីករាយបង្កើតវា ជាជំហ៊​ដើម្បី​អនាគតកូនភ្លោះ ទើប​យើងយក​​ពួកគេធ្វើ​ជាយ៉ីយោ​(ផ្ទះកូនភ្លោះ)»។ អ្នកនាង ឈិន ច័ន្ទ​សុធារី  បាន​ឲ្យ​ដឹងថា «ការសម្ភោធហាងល្ងាចនេះ អញ្ជើញភ្ញៀវចូលរួម​ប្រមាណជា១០តុ តែក្នុងនោះតារាប្រហែលជាចំនួន​៧ទៅ​៨តុក​»។  ដោយ​នាងក៏​បានបញ្ជាក់​ថា «ទោះត្រូវអញ្ជើញតារាៗច្រើនជាងនេះ ឬអស់​តារាក៏​មិន​អញ្ជើញដែរ លោក សុវណ្ណ មករា សម្រាប់​ការចូលរួម​ពិធីសម្ភោធហាងល្ងាច​នេះ​»។