រំពេចពីភាពភ្ញាក់ផ្អើល ដែលលេចចេញពីរូបថត តារាសម្តែងឡោម លក្ខិណា និង មន្រ្តីរាជការរូបសង្ហា ប៉ាច័ន្ទ ពិសិដ្ឋ ល្បីគូស្នេហ៍យល់ចិត្តថ្លើមគ្នា គ្រងឈុតកូនកំលោះកូនក្រមំ ដែលធ្វើឲ្យគេគិតថា ពួកគេទំនងរៀបចំខ្លួនដឹកដៃគ្នាចូលរោងការឆាប់ៗនេះ។ ក្នុងហ្វេសប៊ុកលោក ប៉ាច័ន្ទ ពិសិដ្ឋ ក៏ផុសបង្ហាញ រថយន្តពណ៌ស ដែលឡោម លក្ខិណានិងម្តាយឈរអុជធូកបួង អមដោយសារខ្លីថា ស្រីសបានបញ្ជួនដល់ផ្ទះហើយ។
នៅក្នុងហ្វេសប៊ុកតារាសម្តែងនឹងចម្រៀងរាងតូចច្រឡឹក ដែលមុននេះល្បីថាជាបុប្ផារីកក្នុងបេះដូង តារាចម្រៀង រ៉េប ឌីជេក្តឹប នាង ឡោម លក្ខិណា បានបង្ហោះរូបថតគ្រងឈុតកូនកំលោះកូនក្រមំ ចំនួនពីរសន្លឹកអមដោយសារបង្កប់ន័យដ៏រីករាយ ។ ដែលបរិយាយថា «ស្អាតទេបងប្អូន បើស្អាតជួយ like n share pong na with my love Vigent Piseth»។
នៅក្រោយរូបថតគ្រង់ឈុតកូនកំលោះកូនក្រមំ រវាង នាង ឡោម លក្ខិណា តារាសម្តែងដែលកំពុងនឹងកាក់កបរបរលក់កាបូបជជុះនិងបុរសរូបសង្ហា ជាមន្រ្តីបម្រើការនៅសាលាក្រុង លោក ប៉ាច័ន្ទ ពិសិដ្ឋ ដែលកំពុងតែធ្វើឲ្យមហាជន និងអ្នកគាំទ្រ គិតថា គូស្នេហ៍មួយគួរនេះ កំពុងដឹកដៃគ្នាដើរឆ្ពោះទៅរកថ្ងៃបញ្ជាក់ពីចំណងស្នេហ៍ពិតប្រាកដ ។ ក្នុងនោះក៏មានអ្នកខ្លះលើកឡើងថា «ពួកគេ កំពុងមានគម្រោងចូលរោងការហើយ បានជាពួកគេថតឈុតរៀបការ ឬក៏ថតសម្រាប់ដាក់តាំងមុខរោងការក៏ថាបាន»។
នៅមុននេះ តារាសម្តែងនិងចម្រៀង ដែលទើបនឹងបញ្ចប់អាស្រូវស្នេហ៍និង ឌីជេ ក្តឹប ក្រោយល្បី មកពើបស្នេហា និងលោក ប៉ាច័ន្ទ ពិសិដ្ឋ នាង ឡោម លក្ខិណា ក៏បានសារភាពថា រវាងទំនាក់ទំនងនាង និង ពិសិដ្ឋ ពិតជាមានភាពស្និទ្ធស្នាលលើសពីមិត្តភក្កិមែន។ ព្រមនោះក៏ល្បីថា លោក ប៉ាច័ន្ទ ពិសិដ្ឋ ក៏ស្រឡាញ់ នាង ឡោម លក្ខិណាខ្លាំងណាស់ដែរ ។
នៅក្នុងហ្វេសប៊ុកលោក ប៉ាច័ន្ទ ពិសិដ្ឋ ដែលគេឃើញមានបង្ហាញរូបភាពស្និទ្ធស្នាលនិងនាង ឡោម លក្ខិណា ក្នុងដំណើរកម្សាន្តជាច្រើន ក៏មានបង្ហោះ រូបថតនាងឡោម លក្ខិណា និងម្តាយឈរអុជធូក នៅមុខឡានពណ៌សរ ដែល លោក ពិសិដ្ឋ ក៏ភ្ជាប់សារបន្ថែមថា ស្រីសរបានមកដល់ផ្ទះហើយ ។ ដែលនាំឲ្យគេគិតថា ឡាន ឡោម លក្ខិណា និងម្តាយ ឈរអុជធូកនេះ គឺជាកាដូរ មុនថ្ងៃរៀបការ។
