ស៊ីដនី៖ ក្នុងដំណើរទៅសម្តែងនៅទីក្រុងស៊ីដនី នាដែលកោះអូស្រ្តាលី របស់តារាសម្តែងជើងចាស់ អ្នកស្រី ចាន់ តារាទី ក្រោមការសម្របសម្រួលពីលោក ជុន សុធី និងលោក ខៀវ សំអាត ក៏លេចឡើងមកជាមួយនូវវត្តមានតារាសម្តែងជើងចាស់ជាច្រើនដួង ដែលកំពុងរស់នៅសម្ងំសុខនៅទីនោះ មករួមគ្នាសម្តែង គ្រោងនឹងធ្វើឲ្យកក្រើកក្រុងស៊ីដនីនោះ។
ក្នុងរូបភាពជុំគ្នាតារាសម្តែងចាយសម្ផស្ស នៅអំឡុងទស្សវត្តឆ្នាំ៩០ ដែលត្រូវបានបង្ហាញដោយ ជុន សុធី មកសាទរដំណើរទៅដល់ទីក្រុងស៊ីដនី ដំបូងរបស់អ្នកស្រី ចាន់ តារាទី មាននាង ហុក លក្ខិណា និង អ្នកនាង ចាន់ សេរីរត្ន័ អ្នកស្រី ង៉ែត ណារ៉េត ។ ការជួបជុំគ្នានៃតារាសម្តែងជើងចាស់ ក៏លាន់ឮនូវពាក្យព្រមៗគ្នា ដែល ជុន សុធី ទម្លាយប្រាប់មកតារាញូស៍ថា «ពួកគាត់ថា នេះជាលើកទី១ ដែលបានជួបគ្នា ក្រោយបែកគ្នារាប់ឆ្នាំ ហើយបានមកជួបគ្នានៅទីក្រុងស៊ីដនីទៀត»។
បន្ថែមពីការលើកឡើងនោះ លោក ជុន សុទ្ធី ក៏បានបង្ហាញឲ្យដឹងថា «ក្រុមសីល្បករខ្មែរ ដែលសុទ្ធសឹងតែជា សិល្បការិនីជើងចាស់ វ័យក៏ចំណាស់នេះ ត្រូវទៅសម្ដែង ៥រដ្ឋ មានដូចជា ថ្ងៃទ០៧ ខែតុលា ឆ្នាំ២០១៧ សម្តែងនៅរដ្ឋ Adelaide, ថ្ងៃទី១៤ ខែតុលា ឆ្នាំ២០១៧ សម្តែងនៅរដ្ឋ Queensland, ថ្ងៃទី២១ ខែតុលា ឆ្នាំ២០១៧ សម្តែងនៅរដ្ឋ Melbourne ( for party birthday), ថ្ងៃទី០៣ ខែវិច្ឆិកា ឆ្នាំ២០១៧ សម្តែងនៅរដ្ឋ Sydney, និង ថ្ងៃទី១១ ខែវិច្ឆិកា ឆ្នាំ២០១៧ សម្តែងនៅរដ្ឋ Perth»។
