ភ្នំពេញ៖​ ថ្មីៗនេះតារាសម្តែងកូនកាត់អឺរ៉ុប​ កញ្ញា​ ឌុច​ លីដា​ បានបង្ហោះសារក្នុងចេតនា​ បង្ហាញពីកំហឹងផ្ទាល់ខ្លួនថា​ “បេីអ្នកពិតជា គោរពតាមកិច្ចសន្យាមែននោះ អ្នកត្រូវតែបង់ប្រាក់អោយខ្ញុំ៥០ភាគរយទៀត​ ត្រឹមពាក់កណ្ដាលរឿង តែឥលូវនេះរឿងជិត ចប់ ហេីយ​ នៅសល់តែប៉ុន្មានថ្ងៃចុងក្រោយតែប៉ុណ្ណោះអ្នកមិនគោរពពាក្យសន្យាសោះ សន្យាខ្យល់ ក្នុងសារដដែលនោះ កញ្ញា​ឌុច​លីដា ក៏បានលើកឡើងទៀតថា អ្នកកុហកខ្ញុំបានតែកុំ ព្យាយាមកុហកខ្លួនឯងអោយសោះបេីចង់អោយខ្ញុំបន្តគោរពជាផលិតករនោះ​ ខ្ញុំអាច​ ផុស​វាបានដេីម្បីអោយសិល្បករ​ និង ផលិតករដទៃទៀតអានកម្សាន្តបាន”។

ក្រោយពីបង្ហាញសាររបស់​ កញ្ញា​ ឌុច​ លីដា​ បែបនេះ​ មិនបានប៉ុន្មានផង​ លោក​ អ៊ិន​ សុភិន​ ដែលទស្សនិកជន ស្គាល់ច្បាស់ ថាជា​ ម្ចាស់ផលិតកម្មមហាហង្ស​ ក៏បានឆ្លៀតឱកាសបង្ហាញអារម្មណ៍ពិត​ និងទុកលំដាក់ក្នុងនាមជាផលិតករថា​ “សុំចាញ់ ហើយ តារាសម្តែងស្រុកខ្មែរមួយចំនួនធំពួកគាត់មិនដែលបើកភ្នែក​ មើលឃើញកំហុសរបស់ពួកគាត់ទេ ឃើញតែខ្លួនឯង ល្អរ ហូត គីមិនចេះខុស។ ចុះត្រង់ពួកគាត់ធ្វើបាបពេលវេលាពួកយើង​ ជាផលិតករតើគាត់មានខួរក្បាលគិតទេថា​ ពួកយើង ទទួល ផលលំបាកខូចបង់​ពេលវេលាលុយកាក់យ៉ាងណា​ នៅពេលពួកគាត់មិនអោយតំលៃពេលវេលាដល់ផលិតករ​ ជាអ្នក ខំរក ទីផ្សារអោយពួកគាត់។ អស់យោបល់បាទ!!”។ បើទោះជាតារាសម្តែង​ កញ្ញា​ ឌុច​ លីដា​ បានបង្ហាញសារ​មានបញ្ហាជាមួយផលិតករ​ក៏ពិតមែន​ តែនាងមិនបានបញ្ជាក់ថា​ នាងមានបញ្ហា​ ជាមួយផលិតកររូបណាឡើយ៕