មណ្ឌល់គិរី៖ សហគមទេសចរណ៍ធម្មជាតិជំរុំទោច ជាសមាគមមួយក្នុងចំណោម​សមាគមជាច្រើន​ដែល​ធ្វើកិច្ច​ការ​ទៅ​លើការការពារ និងអភិរក្ស​សត្វ​ព្រៃ ។ ថ្ងៃទី១១ ខែតុលា ឆ្នាំ២០១៧នេះ សមាគមបាន​បង្ហោះសារ​លើ​បណ្តាញ​សង្គមហ្វេស​ប៊ុកទទូច​សុំឲ្យ​មហា​ជនជួយបោះឆ្នោតគាំទ្រ ដើម្បីមានសម្លែងច្រើនជាងគេ នឹងទទួល​បានប្រាក់ជ័យលាភីចំនួន ៣ម៉ឺន ៥ពាន់ដុល្លារ សម្រាប់យកទៅអភិវឌ្ឍសហគមបន្តទៀត។

សហគមទេសចរណ៍ធម្មជាតិជំរុំទោច ដែលមានទីតាំងនៅក្នុងដែនជម្រកសត្វព្រៃ កែវសីមា ខេត្តមណ្ឌលគិរី។ សារនោះបានសរសេរថា សូមចូលរួមជួយ បោះឆ្នោតចាប់ពីថ្ងៃនេះ រហូតដល់ថ្ងៃទី១៨ ខែតុលា ឆ្នាំ២០១៧ ដោយគ្រាន់តែចុចលើ “សហគមទេសចរណ៍ធម្មជាតិជំរុំទោច” ។

ក្នុងប្រទេកម្ពុជា ប្រភេទសត្វព្រៃមួយចំនួនត្រូវបានផុតពូជ និងជិតផុតពូជ ដោយការបាញ់សត្វព្រៃ ការលក់​ដូរ​សត្វព្រៃ និងការបាត់បង់ព្រៃឈើដែលជាជម្រកសត្វ។ ការអភិរក្សទេសចរណ៍ធម្មជាតិ ដែលជួយការពារ​សត្វ​ទោចដែលកម្រ ហើយជិតដាច់ពូជនៅប្រទេសកម្ពុជា អាចទាក់ទាញប្រាក់ចំណូលសម្រាប់​សហគមន៍​មូល​ដ្ឋានដែរ ដោយសារភ្ញៀវទេសចរណ៍ជាតិ និងអន្តរជាតិ។