ភ្នំពេញ៖ បន្ទាប់ពីមរណភាពរបស់ពិធីករជើងចាស់លោក អ៊ិត សេដ្ឋា បានបន្សល់ទុកម្តាយ និង​កូ​ន​ប្រុ​សស្រីក្មេងៗចំនួនបីនាក់ ព្រមនឹង​ភាពសង្វេកមួយ​ជីវិត​ពិធីកររូបនេះ​ រស់​នៅ​នឹងបន្ទប់​ជួល ​រួមនឹងម្តាយវ័យជរា ជាមួយ​នឹង​បណ្តាំចុងក្រោយ​ថា បំណងឲ្យ​កូនៗនិងម្តាយ​រស់​ផុត​ពីជួលផ្ទះ​គេ​។ ពេលនេះ​បំណងនេះ​ក៏​ត្រូវបានមិត្តៗរួម​ការងាររួមនឹងសប្បុរជន​ជួយបំពេញបាន​ហើយ​។

 

តាមរយៈហ្វេសប៊ុករបស់ពិធីករលោក សាយ រតនៈ ដែល​ជា​អ្ន​ក​ស្រ​លា​ញ់​រា​ប់​អា​ន​លោ​ក​សេដ្ឋា​ ក៏បាន Live ផ្ទាល់​ប្រាប់ដែរថា ព្រឹកនេះផ្ទះថ្មីរបស់ម្តាយ និងកូនលោកសេដ្ឋា ដែល​បា​នរៀបចំរួចរាល់ជាស្ថាពរ ក៏បានធ្វើពិធីសូត្រមន្តឡើងថ្មីហើយផងដែរ។

 

ចំណែកឯលោក សុវណ្ណ រិទ្ធី ដែលជាប្រធានផ្នែកផលិតរបស់ក្រុមកំប្លែង CTN លោកពាក់មី និងអ្នកនាងយុគ ចិន្តា ក៏បានចូលរួមក្នុងពិធីនេះផងដែរ។

 

លោក សាយ រតនៈ ក៏បានរៀបរាប់នៅលើវីដេអូ Live របស់លោកឱ្យដឹងដូច្នេះថា៖ « ទៅ​ចូលរួមពិធីសូត្រមន្តឡើងគេហដ្ឋានថ្មីរបស់អ្នកម្តាយ និងកូនៗបងប្រុស អ៊ិត សេដ្ឋា! សូម​ថ្លែង​អំ​ណរគុណយ៉ាងជ្រាលជ្រៅដល់សប្បុរសជនទាំងអស់ដែលបានជួយដល់គ្រួសារគាត់! សូមជួបនូវពុទ្ធពរទាំង4ប្រការ កុំបីឃ្លៀងឃ្លាតឡើយ! »។

 

ខណៈនោះដែរអ្នកនាង យុគ ចិន្តា ដែលបង្ហាញពីការចូលរួមពិធីសូត្រមន្តឡើងផ្ទះ​ម្តាយ​និង​កូនៗ លោក អ៊ិត សេដ្ឋា ក៏​បាន​បញ្ជាក់ថា «បន្ទាប់​ពី​បាន​ទិញនឹ​ងជួ​សជុលមួ​យរ​យៈក​ន្លង​មក​ ហើ​យពិ​ធី​ឡើង​គេហ​ដ្ឋាន​ថ្មីរ​បស់​គាត់​នឹង​ប្រារ​ព្ធធ្វើ​នៅក្នុ​ងខែ​កញ្ញា​ខាង​មុខ​នេះ​»។