ភ្នំពេញ ៖ តារាចម្រៀងប្រុស ឆន សុវណ្ណារាជ ដែលទើបត្រូវគេដាក់ងារជា «តួរង» ក្រោយ​តារាស្រីរួមទ្រនំ​ដែល​គេល្បីថាជាគូស្នេហ៍គឺ ឱក សុគន្ធកញ្ញា បានប្រកាសទទួលយក​ប្អូនប្រុ​ស​​​ថៅកែហង្សមាសជាគូអនាគត ហើយ​ថ្មីៗ​នេះខណៈដែលចេញទៅបំពេញ​បេសកកម្ម​នៅ​ប្រទេសជប៉ុនគេក៏បានឃើញវត្តមានអ្នកទាំងបីទៅជាមួយគ្នា​ដែរ​ ប៉ុន្តែ​លោក ឆន សុវ​ណ្ណារាជ បានត្រឹមសម្លឹងមើល កញ្ញា មានស្នាមញញឹមនឹងគូដណ្តឹង​ប៉ុណ្ណោះ។

ស្របពេលបានមកដល់ទឹកដីកំណើតស្រាប់តែនៅលើគណនីហ្វេសប៊ុកម្ចាស់បទ «ផឹកលួង​ខ្លួនឯង» បាន​ទម្លា​យ​រូបឈរក្នុងទឹកមុខយ៉ាងស្រងូតស្រងាត់សំឡឹងភ្នែកមិនដាក់ហាក់មិន​ចង់ឃ្លាតពី​ ឱក សុគន្ធកញ្ញា ក្រោម​ផ្ទៃមេឃដ៏សែនអួរអាប់​ព្រមទាំង​បង្ហើបសារ​ខ្លីឲ្យ​ប្រិយ​មិត្ត​ឆ្ងល់ផងថា «ឆាប់ៗ​នេះ»។ ភ្លាមៗ​ក្រោយឃើញរូប​ភាព​មិនចង់ចាកចេញបែបនេះម្ចាស់​គណនី​ឈ្មោះ Kim Ah Na Na បានចូលខមិនបង្ហាញការសោកស្តាយថា «ម៉េចក៏បងទាំងពីរ​មិនជាគូនឹងគ្នាចឹងលោកអើយ»។ យ៉ាងណាមិញតាមរយៈរូបភាព និងសារនេះ​ក៏ត្រូវបាន​ទម្លាយថាជាសកម្មភាពថតក្នុងបទចម្រៀងថ្មីរបស់អ្នកទាំងពីរប៉ុណ្ណោះ។