កំពង់ស្ពឺ៖ ឯកឧត្តម​ ហ៊ុន​ ម៉ានី​ ប្រធានគណៈកម្មការ​ អប់រំ​ យុវជន​ កីឡា​ ធម្មការ​ កិច្ចការ​សាសនា​ វប្បធម៌​ និង​ទេសចរណ៍​ និងជាអ្នកតំណាងរាស្ត្រមណ្ឌលកំពង់ស្ពឺ រួមជាមួយ​ឯកឧត្តម​ លោកជំទាវ​ លោក​ លោកស្រី​ សហការី​ ក្រុមការងារ​ បានអញ្ជើញចូលរួមកាន់បិណ្ឌទី១១ ជាមួយ លោកតា​ លោកយាយ​ និងបងប្អូនប្រជាពលរដ្ឋជាពុទ្ធបរិស័ទចំណុះជើងវត្ត​ ច័ន្ទនារ៉ាម ឃុំចាន់សែន ស្រុកឧដុង្គ ខេត្តកំពង់ស្ពឺ​ ថ្ងៃទី៥ ខែតុលា ឆ្នាំ២០១៨។

ដោយគោរពប្រណិបត្តិតាមកិច្ចការសាសនា​ ឯកឧត្តមបានអញ្ជើញចូលរួម​ រាប់បាត្រ​ ពូនភ្នំខ្សាច់​ ថ្វាយបង្គំព្រះសង្ឃប្រគេនទេយ្យទាន​ និងគោរពនិមន្តព្រះសង្ឃបង្សុកូល​ ជាកិច្ចបញ្ចប់វេនកាន់បិណ្ឌទី ១១។ ឯកឧត្តម​ ​ក៏បានឆ្លៀតឱកាសសំណេះសំណាល​ សួរសុខទុក្ខ លោកតា លោកយាយ​ អ៊ុំ​ ពូ​មីង​ បងប្អូនប្រជាពលរដ្ឋ​ ស្រុកឧដុង្គ​ផងដែរ។