ភ្នំពេញ៖ បន្ទាប់​លេច​ឮព័ត៌​មាន​មន្ត្រី​នរគ​បាល​កោស​ល្យវិច្ច័យ បាន​បង្ហោះរូប​អាក្រាត​កាយ​សព​តារា​ចម្រៀង​ផលិត​កម្ម​ហង្សមាស សាន ស្រីឡៃ អតីត​បេក្ខភាព The Voice Cambodia រដូវ​កាលទី​២ រំពេច​នោះតារា​ចម្រៀង​ផលិត​កម្មកា​ឡាក់​ស៊ី ម៉ៃ សុគន្ធ បាន​បង្ហោះសារខឹង​សម្បានឹងមន្រ្តី​នគរ​បាល​កោសល្យ​វិច្ច័យ​​ថា “សូម្បីតែ​សំប​កកាយ​របស់​គាត់ ក៏​មាន​អ្នក​ប្រមាថ​ដែរ” ។ លោក​ចង់​សំដៅ​ថា សូម្បី​តែ ស្រីឡៃ បាន​ស្លាប់​ទៅហើ​យ​នៅមាន​មន្ត្រី​ខ្វះ​ក្រម​សីល​ធម៌​វិជ្ជាជីវៈថត​រូបនាង​ពេល​ធ្វើកោស​ល្យ​វិច្ច័យទៅ​បង្ហោះ​ជា​សា​ធារ​ណៈ​ទៀត ។ លោកហាក់ដូចជាឆ្ងល់នឹងមន្ត្រីនគរបាល​កោសល្យវិច្ច័យទាំងនោះថា តើលោក (មន្ត្រី) មាន​បាន​គិត​ពី​តម្លៃ​ស្រ្តី​ទេ? ក្រែង​អស់​លោក​មាន​ម្តាយ មាន​បង​ស្រី មាន​ប្អូន​ស្រីដែរ។

ទង្វើអសីល​ធម៌​បំផុតរបស់​មន្ដ្រីនគរ​បាលកោស​ល្យវិច្ច័យនេះ រងរិះគន់ពីសំណាក់មហាជនយ៉ាងដំណំថា នេះគឺជា​សពរបស់​មនុស្ស មិន​មែនខ្មោច​សត្វ ឬ រុក្ខជាតិ​នោះទេ ទោះ​បីមនុស្ស​បាន​ស្លាប់​ទៅហើ​យក្ដី ក៏​នៅមាន​សិទ្ធិជា​ឯកជន​តាមច្បាប់​នៅឡើយ​ដែរ មិន​មែនអាច​ឲ្យន​រណា ឬ​មន្ត្រីណាម្នាក់​មក​ថត​រូបអាក្រាត​កាយ ហើយ​បង្ហោះ​ចែក​គ្នាមើល​គ្មានសីល​ធម៌ក្នុង​ខ្លួន​យ៉ាង​ដូច្នេះ​ទេ​ នេះ​ជាការ​បំពាន និង​អសីល​ធម៌ជា​ទីបំផុត។

ជុំវិញរឿងនេះដែរ នាយឧត្តមសេនីយ៍ ជួន សុវណ្ណ បាន​បញ្ជាក់​ថា “ខ្ញុំ​កំពុង​ឲ្យគេ​តាម​​ស្រាវជ្រាវ​ចំពោះបុ​គ្គល​មន្ដ្រីន​គរបាល​ទាំង​នោះ បើ​សិន​ប្រព្រឹត្ត​ទង្វើ​បែប​នេះមែ​ន ខ្ញុំ​មិន​លើក​លែង​ឲ្យនោះ​ទេ គឺ​នឹ​ងចាត់វិធាន​ការ​តាម​ច្បាប់យ៉ាង​តឹង​រឹង​បំផុត មិន​លើក​លែង​ឲ្យឡើយ ពី​ព្រោះវា​ធ្វើឲ្យប៉ះពាល់​កិត្តិ​យស​របស់​សព ហើ​យក៏​វាប៉ះពាល់​ចំពោះ​វិជ្ជាជីវៈ និង​ក្រមសី​លធម៌​របស់​មន្ដ្រី​នគរ​បាល​យើង”។

ករណី​បែក​ធ្លាយ​រូប​ភាព​អាក្រាត​កាយ​សព តារា​ចម្រៀង សាន ស្រី នេះ ពឹង​ទៅ​លើអាជ្ញាធរ​មាន​កិច្ច​ទាំង​ស្រុង ក្នុង​ការ​វែក​មុខ​ចាប់​ជន​បង្ករ មក​ផ្តន្ទា​ទោស​តាម​ច្បាប់​ជា​ធរ​មាន។