ភ្នំពេញ ៖ ខណៈសព្វថ្ងៃយុវវ័យកាន់តែមានភាពទូលំទូលាយក្នុងការបង្កើតស្នេហា​ ក្នុងនោះបើក្រឡេក​មកមើល​គូ​ស្នេហ៍មួយគូនេះដែលត្រូវមហាជនហៅថាគូស្នេហ៍ខុសគីឡូ​ ត្រូវបានប្រភពបង្ហើបថាស្នេហារបស់អ្នក​ទាំងពីរ​ពិតជា​អស្ចារ្យ និងគួរយកគម្រូតាម​ដ្បិត​អី​ភាគី​ខាងបុរស​ និងភាគីនារី​មានមាឌ និងទម្ងន់ខុសគ្នាដាច់ស្រឡះ តែ​ពួកគេមាននូវចិត្ត​ស្មោះចំពោះគ្នា និងគ្នា ហើយ​ស្រលាញ់​គ្នា​​រហូត​បាន​រៀបអាពាហ៍ពិពាហ៍ក្រាប​ផ្ទឹម​ចំពោះ​មេបា​តាំងតែពីដើមឆ្នាំ២០១៨មកម្ល៉េះ។

ប្រភពពីទំព័រហ្វេសប៊ុកមួយដែលបានបង្ហោះរូបភាពគួរឲ្យច្រណែនជាច្រើនសន្លឹកនេះ​ក៏បាន​បន្ថែមសារដោយ​រំលេច​នូវពាក្យពេចន៍ជូនពរផងថា «ជូនពរអោយចែចែ​មានក្ដីសុខ រហូត​ណា៎ ស្នេហ៍ពិតមិនគិតពីគីឡូ»។ ជា​មួយគ្នានោះក្រោយឃើញរូបចូលរោងជ័យរបស់គូ​ស្នេហ៍​​មួ​យគូនេះ​ម្ចាស់គណនីហ្វេសប៊ុកមួយបានលើក​ឡើង​ទំនងកំពុងត្រូវការស្នេហា និងឯកាផងថា «ឱខ្ញុំអើយខ្ញុំ! ពេលណាជួបស្នេហ៍ពិតដូចគេទៅ គូព្រេងខ្ញុំ​កើត​ឬនៅ​ទេ?»។