ភ្នំពេញ ៖ បើទោះបីមួយរយៈមកនេះតារាសម្តែងស្រីនាង វ៉ាង ស្រីណូ បានឃ្លាត​ឆ្ងាយ​ពីវិថី​សិល្បៈ​ពិតមែន ប៉ុន្តែ​បើមើលពីជីវិតក្រៅឆាកវិញនាងហាក់កាន់តែមានភាពឡូយឆាយ​ ពិសេសនោះនាងមានប្រាក់កាសចាយពេញៗ​ដៃដោយមិនញញើតឡើយ ហើយត្រូវបាន​ប្រភពលួចបង្ហើបមកថាប្រភពចំណូលទាំងឡាយរបស់នាង​គឺបា​ន​មក​​ពីជំនួញផ្ទាល់ខ្លួន។

ក្នុងនោះកាលពីម្សិលមិញនេះបណ្តាអ្នកគាំទ្ររបស់នាងស្រាប់តែមានភាពភ្ញាក់ផ្អើលខ្លាំង​ និងបានបើកភ្នែក​ធំៗ​ផង ក្រោយឃើញនាងបង្ហាញពីខ្ទង់ចំណាយប្រមាណ១ម៉ឺនដុល្លារក្នុង​ការកសាងអារាមមួយ។ ភ្ជាប់ដោយ​រូបភាពកំពុងប្រគេនលុយដល់ព្រះសង្ឃក្នុងទឹកមុខ​រីក​រាយ​នឹងបុណ្យតារាស្រីនៅតែស្រស់ វ៉ាង ស្រីណូ​ បាន​ឲ្យដឹងបែបនេះថា «បច្ច័យចូល​រួមក​សាង​សាលាឆាន់ ១ម៉ឺនដុល្លារ ម្ចាស់ដើមបុណ្យ ប៉ា និងម៉ាក់ 5000$ ម្ចាស់​​ដើមបុណ្យ កញ្ញា វ៉ាង ស្រីណូ និងប្អូនប្រុសជុង 5000$ ចូលរួមកសាង បល្ល័ង្កព្រះទាំងមូល ព្រះអង្គសំរឹទ្ធអង្គធំ  កណ្ដាលវត្តសសរធំកណ្តាលវិហារ៤ដើម»។

ដោយទ្រាំនឹងទង្វើប្រកបដោយធម៌របស់តារាស្រីរូបនេះពុំបានម្ចាស់គណនីឈ្មោះ Uy Darin ក៏បានលើកឡើង​ដោយ​ពាក្យសរសើរចេញពីចិត្តថា «ស្អាត ហើយចេះធើ្វបុណ្យទៀត» ។ ជាមួយគ្នានោះម្ចាស់គណនី Sreym​o​m Ven ក៏បានបន្ថែមដោយពាក្យពេចន៍ខ្លីមានន័យ​គ្រប់គ្រាន់ថា «ស្អាតព្រមទាំងឆ្លាត»។