ភ្នំពេញ៖ តាមការប្រកាសរបស់ នាង ហង្ស ម៉ារីនី តារាល្បីការងារមនុស្សធម៌និងជំនួញ នៅក្នុងគណនីហ្វេសប៊ុកថា នៅថ្ងៃទី១២ខែតុលានេះ ជាវេលានាងនិងស្វាមីបានឃើញមុខកូនប្រុស (ជាថ្ងៃសម្រាល)។ តែយ៉ាងណានាង ហង្ស ម៉ា​​​រីនី ដែលមិនឃ្លាតឆ្ងាយពីជំនួញលក់ដូរផលិតផលតាមអនឡាញ នៅរសៀលថ្ងៃទី១២ខែតុលានេះ គ្រាដែលនៅអ​ង្គុយរងចាំសម្រាល នាង ហង្ស ម៉ារីនី ដែលត្រៀមខ្លួនធ្វើជាម្តាយនៅប៉ុន្មានវិនាទីខាងមុខនេះ ក៏ប្រឹងធ្វើវីដេ​អូ​ឡា​យផ្សាយលក់ផលិតផលនិង ប្រឹងសរសេរសារបង្ហាញអតិថិជន ដាក់លេខទូរស័ព្ទខ្លាចអតិថិជនផ្ញើលុយមកចំលេ​ខ​នា​ងផង។ក្នុងសារបង្ហាញពីការបារម្ភលើជំនួញ និងចំណូលដែលផ្តើមដោយពាក្យពេចន៍ថា «អត់យល់ ស្បូន​បើក 3​លេខហើយ អ្នកលក់អត់ឈឺពោះសោះ បងប្អូនណាដឹងជួយឭប្រាប់ផង ថ្ងៃនេះគឺអូនរាជគ្រប់ខែ 9ខែ 10ថ្ងៃហើយ. »។

តែអ្វីដែលមហាជនចាប់អារម្មណ៍ខ្លាំងចំពោះសារនាងនោះគឺនាងបានបង្ហាញថា« សូមបញ្ជាក់ លេខវេលុយមា​ន​តែ​1លេខគត់ 010 678 501 ក្រៅពីលេខនេះហាមវេ ពេលវេហើយ សូមថតវិក័យប័ត្រវេលុយ ផ្ញើរចូល inbox page ហាមហៅលេខកូតអោយនរណាទាំងអស់ បើហៅលេខកូតវេលុយអោយគេតាមលេខទូរស័ព្ទ ហាងយើងខ្ញុំមិនទទួលខុសត្រូវនោះទេ »។ តាមរយៈសារនិងការដាក់កំហឹងពី នាង ហង្ស ម៉ារីនី ចំពោះអតិថិជន ទាក់ទងលើជំនួញ​ទិញ​ដូរ​នេះ ក៏ធ្វើឲ្យមហាជនមិនតិចទេពោលសរសើរពីគំនិតសេដ្ឋកិច្ចនាង និងថា «រកមិនបានទេ នៅក្នុងបន្ទប់ពេទ្យ គេចាំវេលាសម្រាលកូនហើយនោះឆ្លៀតធ្វើជំនួញបានទៀត»៕