ភ្នំពេញ ៖ ក្រោយលេចដំណឹងប្រុងវេចបង្វេចចោលសិល្បៈ និងបុរសសង្ហារជាគូស្នេហ៍​ក្រោ​ម​​​ហេតុផលដើម្បីកូន​ស្រីបណ្តូលចិត្តនោះ សុខ សុម៉ាវត្តី ក៏បានធ្វើឲ្យមហាជនមា​នភាព​ស្រ​ឡាំងកាំងមិនធម្មតាឡើយ ដ្បិតតាមរយៈ​សកម្មភាពរបស់នាង និង លី វ៉ាហេដ ពិត​ជាផ្អែម​​ល្ហែមគ្រប់ពេល ក្នុងនោះគេសម្គាល់ឃើញថា​រាល់មានការប្រ​កួតរបស់តារា​បាល់ទាត់រូប​សង្ហា​ររូ​បនេះតែង​ឃើញវត្តមានអ្នកមេម៉ាយកូនមួយ​ពុំដែលដាច់ឡើយ​ដែលនេះពិត​ជា​បញ្ជាក់​ឲ្យ​ឃើញពី​ភាពខ្វះគ្នាមិនបានរបស់អ្នកទាំងពីរ។

រំពេចដំណឹងនេះហាក់បានស្ងប់ស្ងាត់បន្តិចស្រាប់តែនៅលើគណនីហ្វេសប៊ុករបស់​តារា​សម្តែងពោរពេញដោយ​ទេពកោសល្យ សុខ សុម៉ាវត្តី បានបង្ហោះរូបភាព​រួមនឹងខ្សែ​ការពារ​ឆ្នើម​ក្លិបបឹងកេតជាថ្មី ។ ស្ថិតក្នុងរូបភាពពាក់​ឈុតខ្មៅ​ទាំងពីរនាក់ព្រមដោយស្នាមញញឹម​ពិធី​កា​រិ​នីរបស់ប៉ុស្តិ៍បាយ័នបានបន្ថែមសារដ៏មានន័យថា «Just simple me គ្រាន់តែ​ស្រលាញ់​​ចង់​បានអី ហើយបានដូចចិត្តដែលប្រាថ្នាទៅបានហើយ Thanks for coming and being my best bro in my life»។