ភ្នំពេញ៖ តារាចម្រៀងម្ចាស់ពាន The Voice Cambodia រដូវកាលទី២ ថែល ថៃ កើតទុក្ខមិនសុខ​ចិត្តត្បិតកេរ្តិ៍​ក្រអូបសុះសាយ​របស់លោកត្រូវបានជនអនាមិក​យកទៅប្រកប​អាជីវកម្មផ្លូវភេទ ដែលលោកចោទជាសំណួរថា «សមទេ បងប្អូន?? យកឈ្មោះខ្ញុំដាក់​លក់ឥវ៉ាន់តាមអនឡាញ ហើយមិនមែនជាឥវ៉ានធម្មតាទេ គឺផលិតផលជំនួយផ្លូវភេទទៀត»។ ការឡាយ​ក្នុងរយៈពេលខ្លី ១៥នាទីតារាចម្រៀងអតីតកូនក្រុម ឱក សុគន្ធកញ្ញា, ថែល ថៃ ជម្រាប​ទៅកាន់អ្នកគាំទ្រ​ទាំងអស់ថា «សូមបងប្អូនកុំយល់ច្រឡំ ផេកឈ្មោះ Thel Thai HM លក់ផលិតផលផ្លូវភេទ មិន​មែន​ជាផេកខ្ញុំទេ»។

ថៃល ថៃ តារាមិនសូវសកម្មក្នុងបណ្តាញសង្គម បានលើកឡើងថា «ដំបូងឡើយខ្ញុំមិនដឹងថា​គេយកឈ្មោះខ្ញុំទៅធ្វើរឿងសង្គមខ្មែរស្អប់ខ្ពើមបែបនេះទេ តែមានបងប្អូនគាត់ឆាតមកខ្ញុំសួរថា ខ្ញុំលក់ផលិតផលជំនួយផ្លូវភេទមែន?»។ ត្រង់ចំណុននេះហើយបានធ្វើឲ្យលោកភ្ញាក់ព្រើតតែម្តងថា មិនសមណា យកឈ្មោះលោកទៅធ្វើអាជីវកម្មដោយគ្មានការអនុញ្ញាតិអ៊ីចឹងទេ តែលោកក៏មិនបានបង្ហាញចំណាត់ការចំពោះអ្នកប្រព្រឹត្តទៅតាមផ្លូវច្បាប់ ឬ ផ្លូវតុលាការនោះដែរ គ្រាន់តែលោកទទូចទៅម្ចាស់ផេក «Thel Thai HM» ថា «សូមប្តូរឈ្មោះខ្ញុំចេញទៅ»។

សូមទស្សនាវីដេអូ!!