ភ្នំពេញ៖ បន្ទាប់ឃើញសារព័ត៌មានក្នុងស្រុក​ចុះផ្សព្វផ្សាយកក្រើកថា នារីម្នាក់ជ្រើសរើសគូស្នេហ៍​សុទ្ធតែសង្ហា មាន​ឡាន មានដុល្លារ តែចុងក្រោយត្រូវបែកមាត់ រលាត់ដៃជើង ព្រោះស្នាដៃ​បុរសសង្ហានោះ បង្កឲ្យតារាចម្រៀង ម៉ារ៉ា ប៊ុណ្ណា ស្ទើរតែលាន់មាត់ថា «សមមុខហើយ»។

តារាម្ចាស់បទ «ដីថ្លៃប្រល័យស្នេហ៍» ម៉ារ៉ា ប៊ុណ្ណា បានបង្ហាញលទ្ធផលស្រីៗ រកតែប្រុសសង្ហា មានដុល្លារថា «ស្រលាញ់​តែអ្នកមាន​ ដុល្លា​ និង​ វីឡា​ ពេលគេសាវា មកដៀលប្រុសទាំងអស់! យី! ធ្វេីចឹងម៉េចត្រូវ​»។ តែយ៉ាងណាមិនប្រាកដ​ថា អ្នកមានឡាន ដុល្លារ វីឡា សុទ្ធតែមានចិត្តសាវានោះទេ អ្វីដែលសំខាន់មុនដាក់ចិត្តស្រលាញ់ បំណង​រួមរស់ជាមួយបុរសណាម្នាក់ ស្រីៗគួរណាស់តែសម្លឹងឲ្យគ្រប់ជ្រុងជ្រោយជៀសវាងមើលតែមួយជ្រុង ឬ លង់នឹងទ្រព្យសម្បត្តិគេឲ្យសោះ ព្រោះនោះមិនមែនជាសុភមង្គលពិតឡើយ។