ភ្នំពេញ៖ គិតមកត្រឹមថ្ងៃទី១៦ ខែតុលា ឆ្នាំ២០១៨នេះ រយៈពេលមួយឆ្នាំហើយ​ដែល​អតីត​បេក្ខភាព​ The Voice Cambodia អ្នកនាងសាន ស្រីឡៃ បានទទួលមរណៈភាព ដោយការ​បាញ់​ប្រហារ​​ដោយ​គ្រាប់កាំភ្លើង​ពីស្វាមី​របស់នាង និង​បន្សល់​ទុក្ខកូន​ប្រុស​ឲ្យ​នៅកំព្រា។

នៅក្នុងថ្ងៃ​គម្រប់​ខួប​មួយឆ្នាំ នៃ​ការលាចាក​លោក​​​​​នេះក្រុមគ្រួសាររបស់ ម្ចាស់បទ«ឈឺចាប់ពីដងបានហើយ» បានធ្វើ​បាយសម្ល យក​ចង្ហាន់​​ទៅប្រគេន​ព្រះ​សង្ឃ យ៉ាងស្ងប់ស្ងាត់មិនមានធ្វើពិធីអ្វីធំដុំនោះឡើយ។

មហាជន​ជាច្រើនសម្ដែងការ​នឹកនា និងអាណិតអាសូរ ដល់តារាស្រីរូបនេះជាខ្លាំង មិន​​ត្រឹមតែ​​ប៉ុណ្ណោះ​គ្រួសារ​របស់​នាងនៅតែបង្ហាញក្តីទុក្ខសោក ទោះបីជាតារាដ៏​កម្សត់​រូបនេះ ​ស្លាប់ទៅអស់រយៈ​ពេល​១ឆ្នាំ​​កន្លងទៅ​ហើយ​ក្តី។