ភ្នំពេញ៖ តារាចម្រៀង​បរាជ័យលើកពាន The Voice រដូវកាលទី២ ឃី សុឃុន ក្លាយជា​តារាចម្រៀងកុងត្រា​ហង្សមាសរួមម្ចាស់ពាន ថែល ថៃ ដែរ ដែលដំបូង​អ្នកទាំង ២ មានវាសនា​ប្រហាក់ប្រហែលគ្នា ដោយ ឃី សុឃុន បានបង្កព្យុះភ្លៀងបទ «ធ្វើម្តេចយើងក្រ» កក្រើកក្នុងទ្រទាប់មិត្តយុវវ័យក្នុងរយៈពេលខ្លី ដោយលោកសង្ឃឹមថា បទថ្មីបន្តទៀតនឹងរុញ​ច្រានលោកឆក់ឱកាសទីផ្សារសិល្បៈកាន់តែធំឡើងៗ។

ការសង្ឃឹមមាំរបស់តារាចម្រៀងមានកំណើតខេត្តកំពង់ធំ ឃី សុឃុន មិនទាន់ឈានដល់ចំណុច​ដែលលោកប្រាថ្នានោះទេ ហើយបទចម្រៀងថ្មី​ចេញជាបន្តបន្ទាប់ ក៏មិនទាន់មានបទណាល្បីស្មើបទ «ធ្វើម្តេចយើងក្រ» ដែរ តួយ៉ាងបទ «ថែអូនទុកជូនអ្នកថ្មី» ដែលទើបចេញ MV ក្តៅៗ កាលពីម្សិលមិញ មានអ្នកចូលទស្សនាត្រឹមតែជាង ៣ម៉ឺននាក់ប៉ុណ្ណោះ ក្នុងឆាណែលដ៏ធំរបស់ហង្សមាស។ សន្ទុះតារា The Voice រដូវកាលទី២ គេសង្កេតឃើញថា រ៉េត ស៊ូហ្សាណា អតីតកូនក្រុម ឱក សុគន្ធកញ្ញា ធ្លាក់វគ្គពាក់កណ្តាលផ្តាច់ព្រ័ត្រ ទទួលបានការគាំទ្រសន្ធឹកសន្ធាប់ជាងគេ ពោលគឺលើសម្ចាស់ពាន ថែល ថៃ ទៅទៀត។

សូមទស្សនាវីដេអូ!!