កំពង់ចាម៖ បង្ហាញពីបុរសម្នាក់ឈ្មោះ ឌិន សុខ​គា អាយុ​៤៩​ឆ្នាំ រស់នៅភូមិ​ត្រពាំង​សុខ ឃុំ​ទ្រាន​ ស្រុក​កំពង់សៀម បានធ្លាយ​ក្រពះ និង​ក្អួត​ធ្លាក់ឈាម​ស្លាប់ភ្លាមៗដោយសារតែរូបគាត់មានជម្ងឺប្រចាំកាយ និងបានផឹកស្រាជាប្រចាំមិនដែលខានមួយថ្ងៃណាឡើយ ។ ​
បង្ហាញកាន់តែច្បាស់ពីសំណាក់ប្រពន្ធ​របស់​សពខាងលើ ដែលប្រពន្ធរបស់គាត់មាន​ឈ្មោះថា ធាន ស្រ៊​ន់ បានរៀបរាប់ទាំងទឹកភ្នែកកំពុងហូរ​ថា« ប្ដី​របស់​គាត់(​ឌិន សុខ​គា) ជា​មនុស្ស​ចូល​ចិត្ត​ផឹកស្រា​ជា​ប្រចាំ ព្រមទាំង​មាន​ជំងឺ​ប្រចាំ​កាយ​ផង​ រហូតដល់ថ្ងៃ​កើតហេតុនេះ ប្ដី​គាត់​បានយក​បន្លែ​​មក​ផ្សា​របឹង​កុក ក្រុង​កំពង់ចាម បន្ទាប់​ពី​បាន​ដាក់​បន្លែ​រួច ប្ដី​គាត់​បាន​យួរ​ត្រី​ចេញ​មក​មុន ឯ​គាត់​ដើរមក​តាម​ក្រោយ ខណៈនោះ​ស្រាប់តែ​ឃើញ​ប្ដី​ដួល​ដេក​នៅ​លើ​ដី​ ដោយ​មាន​ឈាម​ហូរ​តាម​មាត់​ និង​​ស្លាប់តែ​ម្ដង។
យោងតាមព័ត៌មានមួយនេះ សូមបងប្អូនទាំងអស់មេត្តាគិតឡើងវិញចំពោះសុខភាពផ្ទាល់ខ្លួន បើអាចកាត់បន្ថយបានក៏កាត់បន្ថយទៅ ជៀសវាងកុំឲ្យដូចករណីខាងលើ។