ភ្នំពេញ៖ នៅព្រឹក​ថ្ងៃ​ទី​១៥​ខែសីហា ផលិតកម្ម​សិល្បៈខ្មែរភាពយន្ត​ ដែល​គេដឹងថាជា​​ផលិតកម្មភាព​យន្ត​​​ថ្មីសន្លាង​ របស់អ្នកនាង ចន ច័ន្ទលក្ខិណា បង្កើតឡើងប្រជែង​​ទី​ផ្សាយ​ភាព​យន្ត​ ព្រម​ដំណើរ​ឡើងកាន់​តំណែង​ប្រធាន​សមាគមសិល្បករខ្មែរ​។ ខណៈ​​​ក្រុងពាលី​​​សម្ភោធ​​វណ្ណកម្ម ​បើ​​កក្បាល​ផលិតកម្ម​ដំបូងបែរ​ជាអវត្តមាន​ចាង​ហ្វាង​ផលិតដែលជាប្រធានសមាគមសិល្បករខ្មែរ ដែលធ្វើ​ឲ្យ​អ្នកចូលរួម​មាន​ការងឿងឆ្ងល់​។

បន្តោងឆ្នាំងដី គឺជាវណ្ណកម្ម​ដំបូង​របស់​ផលិតកម្ម​​សិល្បៈខ្មែរភាពយន្ត របស់អ្នកនាង ចន ច័ន្ទលក្ខិណា ដែល​តែង​និពន្ធ​និង​ដឹកនាំរឿងដោយ​តារាកំប្លែងល្បី នាយ ពែក មី ជាមួយការ​ជ្រោមជ្រែងពី​ជំនួយ​ការ​ផលិត ដោយ​​​​​ក​​វី​ដែល​​ទើបនឹង​ភ្ជាប់ពាក្យ​ថ្មីៗ លោក សុខ ជំនោរ ក្រោ​មការគ្រប់​​គ្រង់​ទូទៅ​ពីលោក ហេង ឡុង ម្ចាស់​ស្នេហ៍ចាងហ្វាងផលិតកម្ម​។

លោក​ ហេង​ ឡុង​ ដែល​ជា​ប្រធាន​គ្រប់​គ្រង​ការ​ផលិត​បាន​ថ្លែង​ឲ្យ​ដឹង​ថា​ រឿង​«​បន្តោង​ឆ្នាំង​ដី»​ជា​សមិ​ទ្ឋិ​ផល​លើក​ទី១​ បើក​ឆាក​ដែល​ខ្ញុំ​និង​ ចាង ហ្វាង ផលិតកម្ម បើក​ការ​ថត​ជា​ខ្សែភា​ព​យន្ត​ប្រជុំ​ដោយ​តារា​ប្លែកៗ​ផង​ដែរ​។ ម្ចាស់ស្នេហ៍​អ្នកនាង ចន ច័ន្ទលក្ខិណា ដែល​​កំពុងមានប្រជាប្រិយ​ភាព​លើសង្គម​ការងារ​សិល្បៈ រូបនេះ ​ក៏​បាន​អះអាងថា​« រឿង​ហ្នឹង (បន្តោង​ឆ្នាំង​ដី ) ​ហេតុ​អ្វី​មាន​ចំណង​ជើង​បែប​នេះ?​ គឺយើ​ង​បាន​ប្តូរ​យោប​ល់​គ្នា​ជា​មួយ​ពាក់​មី​ លោក​សុខ​ ជំនោរ​ និង​ក្រុម​ការងារ​ទើប​ចេញ​ជា​ចំណង​ជើង​ដែល​ផ្លូវ​ការ​នេះ​ ស្រប​តាម​ទីផ្សារ​។ ​ម្ចាស់​អ្នកនាង ចន ច័ន្ទលក្ខិណា ដែល​ក្លាយ​ជាអ្នកគ្រប់​គ្រង់​​ទូទៅ​ក្នុងផលកម្មភាពយន្ត​ទើបនឹង​បើកថ្មី លោក ហេង ឡុង បញ្ជាក់ថា រឿង​​ «បន្តោង​ឆ្នាំង​ដី​» ជា​ប្រភេទ​រឿង​កំប្លែង​ហើយ​យុទ្ឋ​សាស្ត្រ​ទាក់​ទាញ​យើង​ថ្មី​មិ​​ន​ចង់​ទៅ​ប្រកួត​ប្រជែង​ជា​មួយ​គេ​នោះ​ទេ​ ដោយ​យើង​ព្យា​យាម​ធ្វើ​អ្វី​តាម​លទ្ធ​ភាព​របស់​យើង ​ដោយ​យើ​ង​មាន​អ្វី​ដែល​ថ្មី​រួច​ហើយ​។

បើទោះ​ជា​យ៉ាងណា លោក ហេង ឡុង ក៏សារភាព​ផង​ដែរថា ចំពោះ​គម្រោង​ផលិត​រឿង​ទី២​ នៅ​មិន​ទាន់​ថា​កើត​ឡើង​បាន​នោះ​ទេ ​សំខាន់​ ទី១​ចេញ​លទ្ឋ​ផល​សិន​រីឯ​សំនួ​រសួរ​ថា​ ចំណាយ​ប៉ុន្មាន​លោក​សូម​មិន​ទាន់​និយាយ​នោះ​ដែរ ​​ពេល​នេះសំខាន់​​​យើង​បាន​ធ្វើ​ជោគ​ជ័យ​ ឬ​បរា​ជ័យ​យើង​មើល​មិន​ឃើញ​ឡើយ​តែ​ធ្វើ​ដោយ​យក​ចិត្ត​ទុ​ក​ដាក់​ជា​ផ្លូវ​មួយ​លោក​ជឿជា​ក់​។

ដោយ​ឡែក​លោក​ពាក់​មី​ ដែល​ជា​អ្នក​និពន្ធ​ និង​ដឹក​នាំ​រឿង​បាន​ថ្លែង​ដែរ​ថា​ រឿង​ដំបូង​របស់​អ្នក​នាង​ចន​ច័ន្ទ​ ជា​ប្រភេទ​រឿង​កំប្លែង​លាយ​ខ្មោច​ ដែល​ត្រូវ​ចាក់​ផ្សាយ​នៅ​តាម​រោង​កុន​ ។ និង​ចាប់​​ថត​នៅ​ថ្ងៃ​ទី​១៨​ សីហា​ត​ទៅ ​និង​បញ្ចប់​មិន​ទាន់​ទៀង​នៅ​ឡើយ​ស៊ីសង​លើ​អាកា​ស​ធាតុ​។ លោក ពែក មី បញ្ជាក់ថា ទី​តាំង​ថ​ត​មាន​ កំព​ង់ឆ្នាំង​ កំពត​ ភ្នំពេញ​ហើយ​ស្នាដៃ​ ទី១​របស់​ខ្ញុំ​​ជា​មួយ​ចន​ច័ន្ទ ​និង​លោ​ក ​ហេង​ ឡុង​ ហើយ​ស្គាល់​គ្នា​ក៏​ចាប់​ផ្តើម​ជួយ​គ្នា​តែ​ម្តង​។ លោក បន្ថែថា «តួសម្តែ​ងរឿ​ង«​បន្តោ​ងឆ្នាំ​ដី​» ​មាន​លោក​ប៉ែ​ន ​ចំ​រ៉ុង​ ក​ញ្ញាហេ​ង ​ចាន់​ថា ​ឃ្មិប​ ពា​ក់មី​ លោ​កសុ​បិន្ត​ ដុ​ក​ទ័រ​រ​ទ្ឋិ ​ខេ​សូន្យ​មួយ​ ហម​ ឈរ៉ា​ ព្រមទាំ​ងតា​រាមួ​យចំ​នួន​ទៀ​ត​៕