ក្រិច៖ តារាចម្រៀងប្រឡូកសិល្បៈដំបូងឆ្នាំ២០០៥ ឆន សុវណ្ណារាជ ត្រដាងដៃលើលំហរលើដែនដី​អ៊ឺរ៉ុបបង្ហាញនូវចិញ្ចៀនឯកោមួយវង់ ដែលគ្មានគូគាប់ចិន្តានឹងគេ តែលោកប្រឹង​ដាក់ចិត្តដាក់កាយ​សប្បាយជាមួយធម្មជាតិ និងទេសភាពដ៏ស្រស់ត្រកាល ដែលលោកប្រាប់ច្បាស់ៗថា «នៅក្រិច»។

ថ្វីត្បិតតែលោកទៅដល់ក្រិចជួបស្រីៗស្អាតៗ​រាប់សិបនាក់ក្តី ប៉ុន្តែ ២ថ្ងៃមកហើយលោកនៅតែរកម្ចាស់គូចិញ្ចៀនមិនទាន់បានទៀត ខណៈចិញ្ចៀនរបស់លោកភ្ជាប់ជាមួយចម្លាក់អក្សរឡាតាំងថា «Reach» តំណាងឲ្យឈ្មោះលោកផ្ទាល់។ ដំណើរស្វែងរកម្ចាស់ចិត្តមិនឃើញបែបនេះ ធ្វើឲ្យនារីរូបស្រស់ ជា សៀវហួយ ចំអន់តារារូបនេះបន្ថែមថា «បងរាជគាត់កំពុងស្វែងរកគូរចិញ្ចៀននេះ រកតាំងពីទ្វីបអាសីុដល់ទ្វីបអឺរ៉ុប នៅមិនទាន់ឃើញទៀត»។