ភ្នំពេញ ៖ បន្ទាប់ពីវាសនាតារាចម្រៀង ឃី សុឃុន អតីតបេក្ខជនកម្មវិធី The Voice Cambodia ហាក់មិនខុស​ប្លែកពីម្ចាស់ពាន ធែល ថៃ ឡើយ ដោយមកទល់ពេលនេះ​បទចម្រៀង សុឃុន បានល្បីតែមួយបទប៉ុណ្ណោះ ខ​ណៈ​បទថ្មីចេញដែរតែគ្មានហុង​ស៊ុយ​សោះ។ ស្របពេលប្រជាប្រិយហាក់មិនឡើងមិនចុះ​នៅនឹងថ្កល់បែបនេះ​បាន​​ធ្វើ​ឲ្យ​អ្នក​គាំទ្រ​បានត្រឹមពោលពាក្យស្តាយពីសមត្ថភាព លើសពីនេះពួកគេក៏បង្ហាញការបារម្ភ​ក្រោយ​តារា​ចម្រៀងរូបនេះ​បង្ហាញរូបមួយសន្លឹករួមដោយសារខូចចិត្តកំពុងអង្គុយ​បែបអ្នកអស់​សង្ឃឹ​មលើ​រទេះថែម​ទៀត​ផង​។

ក្នុងរូបត្រូវអ្នកគាំទ្រថាកំពុងបាក់ទឹកចិត្តនោះ ឃី សុឃុន ក៏បានរំលេចសារខ្លីទំនងអន់ចិត្ត​ផងថា «ខ្ញុំនិយាយតិច​ៗ​ប្រាប់ខ្លួនឯងថាខ្ញុំមិនអីទេ ខ្ញុំមិនអាចអោយ​មនុស្សគ្រប់​គ្នា​ស្រលាញ់​ខ្ញុំទាំងអត់បានទេព្រោះចិត្តមនុស្សខុសគ្នា តម្រូវមួយខុសមួយ សំខាន់ខ្ញុំនៅតែ​ដូចដើម​កន្លងមកការឈឺចាប់ និងភាពលំបាក ធ្វើអោយខ្ញុំចង​ចាំមិន​អាច​បំ​ភ្លេចបានអស់មួយជីវិត»។ ភ្លាមនោះស្រាប់តែម្ចាស់គណនីឈ្មោះ Ping Drum Tama បានពោល​ឡើង​ដោយ​ភា​ព​​ភិតភ័យថា «ប្រយត្ន័ធ្លាក់ជ្រោះ» តែឆ្លើយតបដោយមិនខ្វល់ពីសុវត្ថិភាព និងបញ្ជាក់ថាខ្លួន​គ្មានបញ្ហា​នោះ​ម្ចាស់​បទ «ធ្វើម្តេចយើងក្រ» បានត្រឹមចុចស្ទីកឃ័រសើចទៅកាន់អ្នកគាំទ្រ​ប៉ុណ្ណោះ។