ភ្នំពេញ៖ សម្លេងទ្រហោយំកងរំពងចេញពីគេហដ្ធានរបស់អ្នកនាងស៊ូ សារ៉ា អមជាមួយពាក្យពេចខ្លឹម​សារ​រៀបរាប់​យ៉ាងសង្វេកចិត្តឥតឧបមានៅលើបណ្ដាញសង្គមថា«ថ្ងៃទី១៧.១០.២០១៨ វេលាម៉ោង​៣​កន្លះ​ល្ងាច គឺជាថ្ងៃដែលខ្ញុំមានទុក្ខធំបំផុតនៅក្នុងជីវិតរបស់ខ្ញុំបាត់បង់អ្វីមិនស្មើរនឹង​បាត់បង់កូន​។

​ប្រសិន​បើប្តូរបាន ម្តាយម្នាក់នេះនឹងសុំប្តូរជីវិតជំនួសអោយកូន ដើម្បីអោយកូនបានឃើញពិភព​លោក​​​​​​ដ៏​ធំនេះ​»។ នាងបានបន្តថាតែការពិតនៅតែការពិតដដែលកូនទៅបាត់ កូនមិនបានឃើញ​ម៉ាក់​ឈឺចាប់យ៉ាងមិចទេ ម៉ាក់ សោកស្តាយ ម៉ាក់នឹក នឹកខ្លាំងណាស់កូនសម្លាញ់ ។សូមវិញ្ញាណ្ណខ័ន្ត​កូន​ទៅកាន់សុគតិភពកុំបីឃ្លៀងឃ្លាត ណា កូនពីម៉ាក់របស់កូន… ។

តាមរយៈប្រភពពីសមត្ថកិច្ចបាន​អោយ​ដឹងផងដែរថាក្មេងប្រុសរងគ្រោះមានឈ្មោះ ស៊ូ មុន្នី បានទៅពួន ប្រើ ប្រាស់ថ្នាំញៀន​ជាមួយ​មិត្តភ័ក្តិ​នៅ​ក្នុងដីឡូត៍មានព័ទ្ធរបងចាក់សោទុកចោលមួយកន្លែង លុះពេលដឹងថា សមត្ថកិច្ចចុះមក​បង្ក្រាប ក៏នាំគ្នារត់ចែកជើងគ្នា ជនរងគ្រោះភ័យពេក បានរត់ធ្លាក់ប្រឡាយទឹកស្អុយ បណ្ដាល​ឲ្យ​ប្រឡាក់​ភក់ និងសើមសំលៀកបំពាក់ ខណៈពេលកំពុងរត់គេចខ្លួនពីសមត្ថកិច្ច តែដោយសារ ភ័យ​ខ្លាច សមត្ថកិច្ចចាប់បាន និងមិនបានប្រុងប្រយ័ត្ន ទើបប្រញាប់ឡើងផ្លោះរបងប៉ះខ្សែភ្លើង ក៏ត្រូវឆក់​ស្លាប់​ភ្លា​មៗបែបនេះ។